Qazaq fýtbolynyń jankúıerleri sońǵy ýaqytta Dastan Sátpaevtyń bolashaǵyna erekshe qyzyǵýshylyq tanytyp otyr. Jas shabýylshynyń Eýropaǵa jol tartýy jáne onyń «Chelsı» júıesindegi múmkindigi kóptegen talqylaýǵa arqaý boldy. Ásirese, álemdik fýtbolda jas talanttardy damytýymen kózge túsken Habı Alonso sekildi mamannyń qol astynda oınaý múmkindigi fýtbolsúıer qaýymnyń qyzyǵýshylyǵyn arttyra tústi, dep habarlaıdy Egemen.kz.
Qazsport telearnasynyń kommentatory Ernur Dúısenǵazynyń aıtýynsha, Sátpaev úshin sheshýshi kezeń maýsym aldyndaǵy oqý-jattyǵý jıyny bolmaq. Barlyq oıynshylardyń basyn qosatyn jıynda bapker ár fýtbolshynyń deńgeıin baǵalaıdy.
«Eger Dastan óziniń daryny men múmkindigin kórsete alsa, negizgi quramnan oryn alýy da ǵajap emes. О́ıtkeni sońǵy maýsymda «Chelsıdiń» shabýyl shebindegi oıynshylardyń barlyǵy birdeı turaqty oıyn kórsete alǵan joq», deıdi ol.
Sarapshynyń pikirinshe, Dastannyń basty artyqshylyqtarynyń biri − onyń birneshe shabýyl pozısııasynda oınaı alýy. Sondyqtan bapker ony tek ortalyq shabýylshy retinde ǵana emes, qaptaldaǵy shabýylshy nemese erkin shabýylshy rólinde de paıdalana alady. Degenmen, «Chelsı» sekildi alpaýyt klýbta básekelestik óte joǵary. Ernur Dúısenǵazynyń aıtýynsha, negizgi quramǵa birden óte almaǵan jaǵdaıda Sátpaev klýbtyń seriktes komandasy sanalatyn Fransııanyń «Strasbýr» klýbyna jiberilýi múmkin. Bul onyń oıyn tájirıbesin arttyryp, keıin negizgi quramǵa oralýyna múmkindik beredi.
Dastan Sátpaevtyń jeıdesi Býdapeshttegi arnaıy kórmege qoıyldy
Fýtbol jankúıerleriniń pikirinshe de Habı Alonsonyń oıyn fılosofııasy Sátpaevqa qolaıly bolýy yqtımal. Ispanııalyq maman jas oıynshylarmen jumys isteýde jaqsy nátıjeler kórsetip keledi jáne shabýyldaǵy jyldam, tehnıkalyq fýtbolshylarǵa senim artady. Dastannyń jyldamdyǵy, tehnıkasy jáne shabýyldaǵy belsendiligi onyń birneshe pozısııada oınaýyna múmkindik beredi.
Al sport jýrnalısi Halym Kúzeýhan jas fýtbolshynyń birden negizgi quramnan oryn alýy ekitalaı ekenin aıtady. Onyń pikirinshe, «Chelsı» álemniń túkpir-túkpirinen talantty oıynshylardy jınaıtyn klýb bolǵandyqtan, ár oryn úshin kúres óte joǵary deńgeıde júredi.
«Mundaı klýbtarda jastarǵa múmkindik beriledi. Biraq olardyń árqaısysy aldymen óz deńgeıin dáleldeýi kerek. Sondyqtan Sátpaev úshin eń mańyzdysy − turaqty damý men oıyn tájirıbesin jınaqtaý», deıdi ol.
Al «Aladop.kz» sporttyq portalynyń tilshisi О́ner Aıbolattyń pikirinshe, Dastan Sátpaev sońǵy birneshe jylda ózin dáleldep kele jatqan talantty fýtbolshylardyń biri. Alaıda ol da Eýropanyń alpaýyt klýbynda negizgi quramǵa birden ený ońaı emes ekenin atap ótti. Shyndyqqa týra qarasaq, 18 jastaǵy qazaq fýtbolshysynyń birden aǵylshyn Premer-lıgasynda oınap ketýi óte qıyn. «Chelsıdegi» básekelestik deńgeıi joǵary. Sondyqtan alǵashqy kezeńde ony jastar quramasynda nemese seriktes klýbtardyń birinde synap kórýi múmkin. Bul qalypty tájirıbe. Eń bastysy − oıyn tájirıbesin joǵaltpaı, damý jolyn jalǵastyrý. Sonda ǵana bolashaqta negizgi quramǵa jol ashylady.
Dastan Sátpaevtyń komandasy: Habı Alonso «Chelsıdiń» bas bapkeri atandy
«Shyn máninde, búgingi fýtbolda jas oıynshynyń birden Premer-lıga deńgeıinde jarqyrap ketýi sırek kezdesedi. Sondyqtan Sátpaev úshin eń tıimdi jol − klýb júıesinde qalyp, tájirıbe jınaý. Eger ol óz múmkindigin durys paıdalanyp, fızıkalyq ári taktıkalyq turǵydan ósse, bolashaqta negizgi quramǵa jol ashylýy ábden múmkin», deıdi О́ner Aıbolat.
Qorytyndylaı aıtqanda, Dastan Sátpaevtyń «Chelsı» júıesine qosylýy onyń mansabyndaǵy ǵana emes, qazaq fýtboly úshin de mańyzdy beles. Alaıda úlken klýbtyń tabaldyryǵyn attaý men sol klýbta turaqty oınaýdyń arasy jer men kókteı. Sondyqtan búginnen bastap ony Premer-lıganyń juldyzyna aınaldyryp jiberý de, kerisinshe múmkindigin joqqa shyǵarý da asyǵystyq bolar edi. Qazir Dastanǵa eń qajet nárse − turaqty damý, eńbek jáne shydam. Eger ol joǵary deńgeıdegi básekege tótep berip, óz múmkindigin dáleldeı alsa, «Chelsıdiń» negizgi quramyna jol tabýy ábden múmkin. Al bul tek bir fýtbolshynyń jetistigi emes, otandyq fýtboldyń jańa beleske kóterilgenin kórsetetin mańyzdy oqıǵa bolmaq.
«Chelsı» jankúıerleri Dastan Sátpaevtyń golyna tánti boldy
Janasyl ZAITIMHAN,
EUÝ stýdenti