Prezıdent Qasym-Jomart Toqaevtyń Almaty oblysyna jumys sapary Alataý qalasynyń damý josparymen tanysýdan bastaldy, dep habarlaıdy Egemen.kz.
Qazirgi kezde qala aýdany 88 myń gektardy quraıdy. Shahar 2050 jylǵa deıin kezeń-kezeńimen damytylatyn 4 arnaýly aýmaqqa bólingen. Sonymen qatar qalanyń negizgi damý aımaqtary men tabys kózderi aıqyndalyp jatyr. Magıstraldy ınfraqurylymdy ilgeriletý boıynsha jol kartasy qolǵa alynǵan.
Basqarýdyń jańa modelin qalyptastyratyn Konstıtýsııalyq zań qabyldandy.
Búginde Gate City turǵyn úı alaby jedel órkendep keledi. Munda «jaıly mektep» boı kóterip, «Mareven Fýd», «KNAÝF», Fruit Art, Dolce Pharm jáne Almaty jeldetkish zaýyty sekildi júıe quraıtyn kásiporyndar jumys isteıdi.
Budan bólek, 53 ınvestısııalyq jobadan turatyn pýl jasaqtaldy. Onyń jalpy somasy 2 trıllıon teńgeden asady.
Prezıdent Gonkong Ákimshiliginiń Basshysy Djon Lımen kezdesti
Atap aıtqanda, PepsiCo kompanııasy Ortalyq Azııadaǵy kartop óńdeıtin eń iri zaýyt salyp jatyr. Mars Petcare kompanııasy úı janýarlaryna arnalǵan azyq óndiretin óńirdegi alǵashqy zamanaýı ári biregeı jobany qolǵa aldy. KHAN TENGRI BIOPHARMA kompanııasy dári-dármek pen medısınalyq qondyrǵylar shyǵarýmen aınalysady. «Istkomtrans» jáne G-Trans kompanııalary logıstıkalyq klaster quryp jatyr.
Memleket basshysyna Iconic Complex jobasy tanystyryldy. Bul Alataýdaǵy kópfýnksıonaldy ozyq keshen sanalady. Qaladaǵy negizgi nysannyń biri Gate District aýdanynda boı kótermek.