Atyraý qalasynyń ákimi Shakır Keıkın jaýap alý úshin quqyq qorǵaý organdaryna jetkizildi. Qala ákimin UQK departamentiniń sybaılas jemqorlyqqa qarsy is-qımyl qyzmetiniń qyzmetkerleri oblys ákiminiń ǵımaratynan alyp ketken. Keıin ol bosatylyp, úıine jiberilgen, dep habarlaıdy Egemen.kz.
Jergilikti derekkózderdiń málimdeýinshe, ákim qylmystyq is aıasynda suraqtarǵa jaýap bergen. Alaıda tergeýdiń mán-jaıy men onyń prosessýaldyq mártebesi týraly resmı aqparat ázirge jarııalanǵan joq.
Eske salaıyq, buǵan deıin Ishki ister mınıstrligi Atyraý qalalyq polısııa basqarmasynyń basshysy men Atyraý oblysy Polısııa departamentine qarasty eki basqarmanyń jetekshisi qyzmetinen shettetilgenin habarlaǵan bolatynbyz.
Aıta keteıik, Atyraý oblysy ákiminiń burynǵy orynbasary Baqytgúl Hamenovanyń jazasy jeńildetildi.