Úkimet otyrysynda «QazMunaıGaz» (QMG) basqarma tóraǵasynyń orynbasary Qurmanǵazy Esqazıev atalǵan kompanııanyń qyzmetkerleriniń qaýipsiz eńbek jaǵdaıyn qamtamasyz etý úshin qabyldap jatqan sharalary týraly baıandady, dep habarlaıdy Egemen.kz.
Ol sońǵy bes jylda júrgizilgen júıeli jumystardyń nátıjesinde kompanııa birqatar kórsetkishterdiń turaqty tómendeýine qol jetkizgenin atap ótti:
óndiristik jaraqat 34%-ǵa tómendegen; jol-kólik oqıǵalarynyń sany 73%-ǵa qysqarǵan; 2023 jyldan bastap órt oqıǵasy tirkelmegen.«QMG-da jazataıym oqıǵalardyń shamamen úshten biri joǵary qaýipti jumystarmen, sondaı-aq uńǵymalardy kúrdeli jáne jerasty jóndeý kezindegi túsirý-kóterý operasııalarymen baılanysty. Osy baǵyttaǵy jaraqattanýdy azaıtý úshin 2025 jyly 60 brıgadada QMG-nyń óziniń ázirlemesi – TUMAR kompıýterlik kórý júıesi engizildi», dedi Qurmanǵazy Esqazıev.
Atalǵan júıe jasandy ıntellektini (JI) qoldana otyryp, naqty ýaqyt rejıminde kelesideı jaǵdaılardy anyqtap, eskertýge múmkindik beretini atap ótildi:
jeke qorǵanys quraldarynyń bolmaýy; qyzmetkerlerdiń qaýipti aımaqtarda júrýi; jumystardy qaýipti jaǵdaılarda oryndaý.Endi qaýipti óndiris oryndary men shahtalardy jasandy ıntellekt baqylaıdy
2027 jyldyń sońyna deıin TUMAR júıesimen 242 brıgadany jaraqtandyrý josparlanyp otyr, bul 100% qamtýdy bildiredi. Sondaı-aq QMG-nyń barlyq enshiles kompanııalarynda qaýipti eńbek jaǵdaılaryn anyqtaý jáne joıý úshin «Qorǵaý» (Safety Card) júıesi jumys isteıdi. Qyzmetkerler QR kodyn skanerleý arqyly táýekelder týraly jedel esep bere alady. Qyzmetkerlerdiń densaýlyq jaǵdaıyn baqylaý úshin iri uıymdarda aýysym aldyndaǵy medısınalyq tekserýlerdiń (ESMO) elektrondyq júıesi engizildi. Júıe emtıhan ýaqytyn 2 mınýtqa deıin qysqartady jáne adamı faktordy azaıtady.
Byltyr maýsym aıynda Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıev jasandy ıntellekt qaýipsiz ári ıntellektýaldy eńbekke jol ashatynyn týraly aıtqan edi.