Oljas Bektenovtiń tapsyrmasy boıynsha qoǵamdyq tamaqtaný oryndarynda gaz ballondaryn saqtaýǵa qatysty talaptardyń saqtalýy tekseriledi, dep habarlaıdy Egemen.kz.
Úkimet otyrysynda Premer-mınıstr Oljas Bektenov ákimdikter men TJM jáne Bas prokýratýraǵa qoǵamdyq tamaqtaný oryndarynda gaz ballondarynyń saqtalýy men paıdalanylýyna baqylaý jumystaryn kúsheıtýdi tapsyrdy.
«Turǵyn úılerge japsarlas salynǵan nemese solardyń ishinde ornalasqan qyzmet kórsetý uıymdaryna aıryqsha nazar aýdarý qajet. Ákimdikter men Tótenshe jaǵdaılar mınıstrligi Bas prokýratýramen birlesip, gaz ballondarynyń saqtalýy men paıdalanylýyn baqylaý úshin qoǵamdyq tamaqtaný oryndaryna tekserý júrgizsin», dep atap ótti Oljas Bektenov.
Kósheden as ishýdiń táýekeli: Qoǵamdyq tamaqtaný oryndaryndaǵy qaýipsizdik deńgeıi qandaı?
Sondaı-aq Premer-mınıstr jumyskerlerdiń áleýmettik qorǵalý deńgeıin arttyrý men jazataıym oqıǵalardan saqtandyrýdy kúsheıtýdi tapsyrdy.
«О́ńir ákimdikteri jumys berýshilermen birge ujymdyq sharttardy jasasý boıynsha turaqty jumystardy qolǵa alsyn. Sonymen qatar jumyskerlerdi, onyń ishinde qurylys jáne qyzmet kórsetý salalarynda oqys oqıǵalardan saqtandyrý sharttaryna qol qoıý qamtamasyz etilýi tıis», dep atap ótti Premer-mınıstr.
Buǵan deıin Astanada arnaıy ruqsatsyz jumys istegen tamaqtaný oryndary anyqtaldy.