AQSh-tyń Florıda shtatynyń bıligi OpenAI kompanııasyn jáne onyń bas dırektory Sem Altmandy sotqa berdi. Olardyń aıtýynsha, ChatGPT ásirese kámeletke tolmaǵandar úshin úlken qaýip tóndiredi, dep habarlaıdy Egemen.kz.
CNN habarlaýynsha, Florıda – OpenAI óniminiń yqtımal qaýpine baılanysty kompanııany sotqa bergen alǵashqy shtat. Talap-aryzda kompanııa sapasyz ónim úshin jaýapkershilik týraly zańdardy buzdy, salǵyrttyq tanytty jáne tutynýshylardy jańylystyrdy degen aıyptar taǵylǵan.
Florıda shtatynyń bas prokýrory Djeıms Ýtmaıerdiń aıtýynsha, kompanııa jasandy ıntellekt (JI) tehnologııasyn damytý jarysynda balalar qaýipsizdigin ekinshi orynǵa ysyryp qoıǵan.
«Sem Altman men ChatGPT balalarymyzdyń qaýipsizdiginen góri jasandy ıntellekt salasyndaǵy básekeni tańdady. Olar qoǵamdyq qaýipsizdikten paıdany joǵary qoıdy. Florıdada buǵan jol berilmeıdi», dedi ol.
Talap-aryzda OpenAI ChatGPT qoldanýǵa baılanysty birqatar táýekelderdi jasyrdy degen ýáj keltirilgen. Atap aıtqanda, júıe jappaı kisi óltirýdi josparlaýǵa kómektesýi, ózine qol jumsaýǵa ıtermeleýi, jasóspirimderdi ata-ana baqylaýynsyz paıdalanýǵa daǵdylandyrýy jáne qoldanýshylardyń synı oılaý qabiletine keri áser etýi múmkin ekeni aıtylǵan.
ChatGPT kámeletke tolmaǵandardy avtomatty túrde anyqtaı bastaıdy
Sondaı-aq talapkerler Sem Altmandy Florıda turǵyndaryna keltirilgen yqtımal zııan úshin jeke jaýapkershilikke tartýdy surap otyr.
Is materıaldarynda bul OpenAI-ǵa qatysty júrgizilgen alǵashqy qylmystyq tergeý ekeni kórsetilgen. Tergeý barysynda kompanııanyń 2025 jyly Florıda memlekettik ýnıversıtetinde bolǵan qarýly shabýylǵa qandaı da bir dárejede qatysy bar-joǵy qarastyrylǵan. Sol oqıǵa kezinde sherıf orynbasarynyń uly 2 adamdy atyp óltirip, taǵy 4 adamdy jaralaǵan edi.
О́z kezeginde OpenAI ókili atalǵan qaıǵyly oqıǵaǵa baılanysty málimdeme jasap, «bul úlken tragedııa bolǵanymen, ChatGPT qylmys úshin jaýapty emes» degen ustanymyn jetkizgen.
Jasandy ıntellekt: Qazaqstanda 50 myń adam jumyssyz qalýy múmkin