Japonııada alapat taıfýn saldarynan eldiń ońtústik-batys aımaqtarynda elektr qýaty jappaı úzilip, júzdegen áýe reısteri toqtatyldy, dep habarlaıdy Egemen.kz.
Jergilikti halyq arasynda «Djangmı» dep atalǵan taıfýn kúnshyǵys eliniń Okınava araly men Kagosıma aımaǵyna zalal keltirgen. Japonııa úkimeti ókili Mınorý Kıharanyń málimetinshe, Okınavada tabıǵı apat saldarynan 9 adam jaraqat alǵan.
Kagosıma aımaǵynda 30 myńnan astam úı jaryqsyz qalsa, Okınavada taǵy 17 myńǵa baspana elektr qýatynan ajyratylǵan. Teńiz daýylyna baılanysty Japonııanyń eki iri áýe kompanııasy – All Nippon Airways jáne Japan Airlines shamamen 600 reısti toqtatýǵa májbúr boldy.
Úndistandaǵy tabıǵı apat: Joıqyn daýyldan 89 adam qaza tapty
Qazir Japonııada qutqarý qyzmetteri zardap shekken óńirlerde qalpyna keltirý jáne qaýipsizdik jumystaryn jalǵastyryp jatyr.
Eske sala keteıik, buǵan deıin eldiń ońtústik-batys jaǵalaýynda magnıtýdasy 5,9 bolatyn jer silkinisi tirkelgen bolatyn.