Ortaq murat – otannyń gúldenýi

Elimiz boıynsha qyzý talqylanyp jatqan mańyzdy maqala mádenıet salasy mamandarynyń da nazarynan tys qalmady. Jıynǵa qatysýshylar óz oılaryn bildirip, Prezıdent belgilep bergen mindetterdiń ózektiligine toqtaldy.

– Maqalada aıtylǵan negizgi ba­ǵyttardy júzege asyrýda bárimiz bel­sen­dilik tanytýymyz qajet. Sebebi, elimizdiń jarqyn bolashaǵy erteńgi ur­paqtarymyzdyń jaqsy ómir súrý kepili bolmaq. Prezıdentimiz «Jańa turpat­ty jańǵyrýdyń eń basty sharty – sol ulttyq kodyńdy saqtaı bilý. Onsyz jańǵyrý degenińizdiń qur jań­ǵyryq­qa aınalýy op-ońaı» dep, rýhanı jańǵyrý rýhanı bolmysymyzdy saqtaýda jatqanyn atap kórsetti. О́ıtkeni, bizdiń barlyq baı muralarymyz tarıhymyz ben mádenıetimizde, áde­bıetimiz ben ónerimizde ekeni daýsyz. Tarıhtan tereń tamyr alyp, rýhanı qundylyqtarymyzdy dáriptesek, kemel keleshekke jarqyn júzben jetemiz. Maqalada qamtylǵan básekelik qabilet máselesi de óte oryndy aıtylǵan dep esepteımin. Elbasynyń «Bolashaqta ulttyń tabysty bolýy onyń tabıǵı baı­lyǵymen emes, adamdarynyń bá­sekelik qabiletimen aıqyndalady» de­geni bárimizdi oılandyrýy tıis. Mem­leketimiz árdaıym óner ujymdary men birlestikterin qanatynyń astyna alyp qoldaý kórsetip keledi.

– Maqalada nysanǵa alynǵan ár baǵyt halqymyzdyń bolashaǵy úshin qyzmet etetin ómirsheń qu­jat dep túsinemiz. Elimizdiń má­de­nıet sa­lasynyń bıikke órleýi mem­le­­ke­timizdiń saıası damýy­men tyǵyz baı­la­­nysty, – deıdi Jambyl atyndaǵy Qazaq memlekettik fılarmonııasynyń dı­rektory Jeńis Seıdýllauly.

Jıyn barysynda «Ulttyq biregeılikti saqtaý», «Pragmatızm», «Bi­limniń saltanat qurýy» syndy ta­qyryptar jeke-jeke sóz boldy. Qazaqstannyń Halyq ártisi Nurǵalı Núsipjanov: «Dana halqymyzda «Jazdyń bir kúni qystyń bir aıyna azyq bolady» deıtin keremet sóz bar. Prezıdentimizdiń halyqqa serpin berýi, bolashaqqa degen qadamymyzdy nyq­tap, baǵytymyzdy aıqyndap berdi. Eli­mizdiń damýy, halqymyzdyń beıbit ómiri, ekonomıkamyzdyń óristeýi, má­de­nıetimiz ben ónerimizdiń keńge qanat jaıýy − bárimizdiń basty tilegimiz. Elbasymyzdyń jarqyn bastamasyn ári qaraı ilip áketip júzege asyrýǵa atsalysý ár qoǵam múshesine artylatyn mindet dep esepteımin. Otanymyzdyń gúldenýi – bárimizge ortaq murat», dep jınalǵandarǵa oı saldy.

Sondaı-aq, «Qazaqstandaǵy 100 ja­ńa esim», «Qazaq tilindegi 100 ja­ńa oqýlyq» syndy bastamalarǵa qa­tys­ty oı-pikirler ortaǵa tastalyp, ár ba­ǵyttyń mańyzdylyǵy týraly keń maz­munda aıtyldy.

Arman OKTIаBR,

«Egemen Qazaqstan»

ALMATY