25 mıllıon dollar syılyq belgilenip otyr

Árıne, bas lańkes deıtin qyzmet joq, biraq Ýsama ben Ladendi solaı ataý qabyldanǵan jáne bul ataý onyń mazmunyna saı keledi. Sóıtip, osy aptanyń alǵashqy kúni Pákstandaǵy Abbottabad qalasynda álemdik lańkestiktiń kósemi ben Ladenniń kózi joıyldy. Gazetimizdiń ótken nómirinde bul ja­ıyn­da habar jarııa­lan­ǵan. Bi­raq osynaý oqı­­ǵa týra­ly az-kem oı tujyrym­daý qajet sııaqty. Tarıhta jaq­sy da, jaman da qa­lady. Jaqsylyǵy­men aty óshpeıtin uly­lar bar. Bireýler ja­man­dyǵymen de umytylmaıdy. Qaty­gezdi­gimen, jaýyzdyǵymen aty shyq­qan patshalar, qaraqshy­lar ótken. Ýsama ben Laden solardyń surpynan. Qazirgi za­man­nyń ja­ýyzy, tehnıka­nyń sońǵy jetistigimen muz­daı qa­rýlanǵan, qoly uzyn, múmkindigi mol jaýyz. Jalpy, ólimdi maquldap, bireý­diń kózi joıylǵanyn jón sanap sóıleý qıyn. Mundaıda sol ja­ýyzdardyń qolynan qa­za tapqan jazyqsyz qurban­dardyń arýaǵyn kóz aldyńa elestete otyryp sóz aıtasyń ǵoı. Osy­dan on jyl buryn Nıý-Iork­tegi lańkestik áre­ket­ten bir mezette úsh myń adamnyń qaza tapqany tarıh­taǵy qara tańba bolyp qalary anyq. Sol zulym­dyq ben La­denniń bas­shylyǵymen ja­sal­dy. Qaza bol­ǵandar kápir edi ǵoı dep, júregi taza bir mu­sylman sol áreketti aqtamasy da anyq. Ben Ladenniń kózin joıýdy oılastyrǵanǵa da on jyldan asty. Búginge deıin qolǵa tús­peı keldi. Aqyry AQSh-tyń arnaýly qyzmeti ony sonaý Pákstan jerinen taýyp, kózin joıdy. Osylarǵa baılanysty aı­ta­tyn áńgime kóp. Tiri qal­dyrsa, lańkes­ter ony qutqarý úshin adamdar­dy amanatqa alýy múm­kin eken. Onyń denesin eshbir el qabyl­damapty deıdi. Ol bir jerge jerlense, ony ra­dı­kaldy ıslamıster taǵ­zym etetin qasıetti orynǵa aınaldyrýy aı­dan anyq. Sirá, AQSh bas­shylyǵy osyny eskerse kerek. Eń bastysy – álemdi titirentken qanype­zer­diń kózi jo­ıyldy. Bul jaıynda pikir bildirgen álemdik tulǵalar men memleket basshyla­rynyń bar­lyǵy da bul ózi lań­kes­ter qo­lynan taza tapqan­dardyń arýa­ǵy rıza bolǵandaı saýap­ty is bol­ǵanyn, lańkestik­pen kúrestegi or­taq istiń jeńisi ekenin aıtady. Biraz jerde jurt sherýge de shy­ǵyp, qol­daǵan­dyq­taryn bildirdi. Árıne, bul jerde ekinshi bir pikirdi de attap kete almaısyń. Bireýler muny AQSh-qa ǵana kerek isteı baǵalady. Pales­tı­nadaǵy HAMAS uıymynyń kó­se­mi Hanııa muny ame­rı­kalyq­tardyń mu­syl­man­dar men arab­tardy tu­qyrtý saıasatynyń jal­ǵasy sanasa, reseılik belgili saıa­satshy E.Satanovskıı ony Barak Obamanyń saılaý aldyn­daǵy naý­­qanyna qyzmet etetin sharadaı kóredi. Bas lańkestiń kózi joıyl­dy. Biraq onyń isi áli jo­ıyl­maǵany da anyq. Ornyn basar adam da bar. Sol ornyn ba­sady degen ekinshi bas lańkes sanalatyn Aıman ál-Zaýahı­rı qaıda ekenin kórsetkenge 25 mıllıon dollar syılyq ta belgilenip otyr. Sonan soń Ábý Iаhııa ál-Lıbıdiń aty atalady. Endi lańkester kúsh biriktirip, kek qaıtarady degen de pikir bar. Ol negizsiz de emes. Sondyqtan da olarmen kúreste de kúsh biriktirý qajet-aq. OBAMAMEN KÚRESPEKShILER KО́BEIIP KELEDI Úlken saıasat úlken tulǵalardyń tóńireginde jasalady. Jurt keıbir elder basshylarynyń aýysqanyn da bilmeı qalady. Al AQSh prezıdentiniń saılaýyna bir jarym jyldaı ýaqyt bolsa da, Barak Obamaǵa qarsy respýblıkashylar arasynan kim shyǵady degen áńgime qyzyp tur. Demokrat­tar­­dyń qalaýy – Obama. Adam­da­ry bılikte bolsa, par­tııalar ja­ńa adam izdep jat­paıdy. Al res­pýblı­ka­shy­lar al­dymen óz arala­rynan bireýdi anyq­­ta­ǵansha, biraz aıtysyp-tar­ty­sady. Keıin bireýge toqta­ǵannan keıin bári de soǵan daýys beredi. Árıne, qazir olardyń áńgi­me­sindegi basty arqaý – Oba­many synaý, qazirgi prezı­dent­tiń aqsap jatqan tusyn aıtý. Bul rette olardyń múmkindigi kópteý. Bıliktegi prezıdenttiń jumysy jurttyń kóz aldyn­da, izdegenge kemshilik tabyla­dy, sonymen birge, onyń at­qar­ǵan jumysy da kórinip tur. Oǵan amerıkalyqtar ǵana emes, álem kýá. Ádette bıliktegiler kóbine jeńip jatady. Olardyń tany­mal­­dylyǵy joǵary. Olardy qarsylas partııada jańa kúshti tulǵa paıda bolǵanda ǵana jeńedi. Saıasatshy­lardyń pa­ıym­daýynsha, respýb­lıka­shy­lar qatarynda sońǵy kezde ondaı «jaryq juldyzdar» paıda bola qoımaǵan syńaıly. Sóıt­se de kúreske bilek sybanyp shyqqandar bar jáne olardyń qatary kóbeıe­tini de daýsyz. Alda áli ýaqyt barshylyq. Jurttyń aıtýynsha, ázirge Barak Obamaǵa básekeles bola­tyn adam – Mıt Romnı. О́tken saılaýǵa da qatysqan. Onda ol Massachýsets shtatynyń gýber­natory edi. Odan burynyraq Iýta shtatyn basqarǵan. Son­daı-aq Solt-Leık-Sıtıdegi Qys­­qy olımpıadanyń uıym­das­­tyrý komıtetin basqaryp, kózge túsken. Tipti Obamamen bedel jarys­ty­ryp ta júr. Bı­ylǵy qań­tar­da Obamanyń reıtıngi 51 paıyz, al onyki 38 pa­ıyz bolsa, dál búgin tıisinshe 47 jáne 45 pa­ıyz­dy qurap otyr. Bul onyń bedeli ósip kele jatqanyn ańǵartady. Respýblıkashylar úmit­ker­le­­riniń arasynda ekinshi oryn­da – Maık Hakkabı. Arkanzas shtatynyń burynǵy gýber­nato­ry. Kezinde Bıll Klınton da sol shtattan prezıdenttikke kó­teril­gen. Hakkabıdi de jergilikti halyq barynsha qol­daıdy eken. Biraq bul ulttyq aýqymda qoldaý bolady degen sóz emes. «Eskilerden» Alıas­kanyń burynǵy gýberna­tory Sara Peılındi aıtýǵa bolar. Ras, ol ótken joly vıse-prezıdenttikke túsken, endi ózi bolǵysy keledi. Qazir ákim­shilikte emes, tele­vıdenıeniń mańynda júr, jaı emes, qazir­gi prezıdentti synaýdy kásipke aınaldyrǵan. Jurttyń pikirinshe, Ron Pol men Mıshel Bahman «pre­zıdenttikke de talasqan» degen ataqty qanaǵat etýmen shekteletin syńaı­ly. Onyń esesine jurttyń aýzynda ká­sipker Ronald Tramptyń aty júr. Ol óziniń nasıhatyn Barak Obamany qaralaýǵa negizdegen. Buryn da aıtylǵan Barak Obama AQSh-ta týmaǵan degen (demek, prezıdent bolyp saılanýǵa qaqy joq) áńgimeni qaıta qozdyryp, ony qalaı da dáleldemek. «Durys emes prezıdent joıylsyn, Amerıkany súıetin kásipkerge daýys be­rińder» degen uran nasıhat qazir jıi estiledi. Odan qazirgi prezıdent te seskenetindeı. Mamadııar JAQYP.