Jáńgir han atyndaǵy Batys Qazaqstan agrarlyq-tehnıkalyq ýnıversıtetine Indonezııa Respýblıkasynyń Qazaqstan jáne Tájikstan memleketterindegi tótenshe jáne ókiletti elshisi Mohammad Fadjrýl Rahman óz áriptesterimen birge keldi, dep habarlaıdy Egemen.kz.
Sheteldik qonaqtar ýnıversıtet basshylyǵymen kezdesip, eki eldiń joǵary oqý oryndary arasynda halyqaralyq deńgeıde qarym-qatynas ornatý jaıynda sóz qozǵady. Jáńgir han ýnıversıtetiniń oqý jumystary jónindegi prorektory Nurken Maratuly elshilik ókilderine joǵary oqý ornynyń bilim berý deńgeıi jáne ǵylymı áleýeti týraly aıtyp ótti. Tótenshe jáne ókiletti elshi Mohammad Fadjrýl Rahman Indonezııada akademııalyq utqyrlyq baǵdarlamasy aıasynda oqyǵysy keletin stýdentterge qoldaý kórsetýge daıyn ekenin aıtty. Budan ári qos tarap eki el arasyndaǵy baılanys jáne bilim-ǵylym salalary boıynsha pikir almasty.
Otandyq sý únemdeý tehnologııasy: Ǵalymdar ázirlegen qurylǵylar naryqqa qashan shyǵady?
Indonezııa elshiliginen kelgen meımandar stýdenttermen jáne oqytýshylarmen de kezdesti. Elshiliktiń áleýmettik-mádenı bólimi qyzmetkeri Agýń Sapýtra ýnıversıtet jastaryna óz eliniń baı mádenıeti men ónerin tanystyrý maqsatynda ulttyq bıin bılep berdi. Elshiliktiń taǵy bir qyzmetkeri Gúlnur Seısenqulova tanymdyq vıktorına uıymdastyryp, jastardyń kóńilin sergitti. Elshilikten kelgen taǵy bir meıman Ýılıam Jaıańga óziniń ana tilinde jáne qazaq tilinde án shyrqap, kópshilikti tánti etti. Kezdesý sońynda qos tarap bir-birine estelik syılyq tabystap, dostyq jáne yntymaqtastyq baılanysty bekite tústi.
Oraldyq ǵalymdar jańa agrojoba usyndy