1 mamyr – Qazaqstan halqynyń birligi kúni astanalyq oblystyń Selınograd aýdanynyń ortalyǵy Aqmol aýylynda da búkilhalyqtyq mereke retinde atap ótildi. Aýdandyq mádenıet úıinde 15 etnomádenı birlestikterdiń ulttyq taǵamdarynyń kórmesi uıymdastyryldy.
Sherý bastalar aldyndaǵy saltanatty rásimde aýdan ákimi Manat Júnisov, máslıhat hatshysy Baltabaı Majrenov, «Aqmola-Fenıks» AQ kásipodaq komıtetiniń tóraıymy Lıýbov Drobot, aýdandyq uıymdar ókilderi men shaqyrylǵan qonaqtar quttyqtaý sóz sóıledi.
Merekelik sherýdi tý ustaýshylar bastasa, olardyń sońdarynan nemereleri men shóberelerin jetektegen soǵys jáne eńbek ardagerleri erip júrdi. Kelesi qatarǵa aýdandaǵy barlyq ulttar ókilderinen quralǵan kolonnalar ilesti. Olar ulttyq bılerin bıledi.
Meımandar nemistiń shtrýdelinen, belarýstiń dranıkterinen, ýkraınnyń galýshkılerinen, ózbektiń palaýynan, taǵy basqa etnostardyń as mázirlerinen aýyz tıdi. Baıannyń daýysyn estigen jurtshylyq baıyz taýyp tura almaı, jappaı bı bılese, Manat Júnisov jeke úlgisimen jurtshylyqtyń delebesin qozdyrdy.
Sýretterde: jármeńke kórigi keıin qyzdy; orystyń karavaıy etnomádenı birlestikterdiń konserti.
___________________
Sýretterdi túsirgen Vladımır Bahmýtskıı.