Qazaqtan ushqan qyranym,
Zamannyń kónbeı yrqyna, –
Alladan teńdik suradyń,
Alash deıtuǵyn jurtyńa.
Pendeniń basyna salmaǵan,
Júk taptyń, aýyr is taptyń.
Han Kene taba almaǵan
Káýirdiń tilin sen taptyń!
Tarıh kóshinde synalyp,
Búginge jetken dúrkiri, –
Qazaqstan deıtin myna jurt
Qazaq bolady bir kúni!
Alashym –
Saıası kartada,
Túsirip quran-hatymdy, –
Astana salyp Arqaǵa,
Tánti ettiń adamzatyńdy!
Bútini kerek irgeniń,
Nur kerek ósken gúlderge.
Alla bar kókte bilgenim,
Alash bar, sonsoń bul jerde!
Qazaqtan ushqan qyranym,
Zamannyń kónbeı yrqyna, –
Alladan medet suraǵyn,
Alash deıtuǵyn jurtyńa.
Serik AQSUŃQARULY, Qazaqstannyń eńbek sińirgen qaıratkeri, aqyn.