Astanada ótetin «EKSPO-2017» halyqaralyq kórmesiniń ashylýyna sanaýly kúnder qaldy. Aıtýly shara qarsańynda elorda kóshelerine uıaly telefon qýattaıtyn baǵanalar men oryndyqtar ornatyldy, dep habarlaıdy Saryarqa aýdanynyń ákimdigi.
«Astana EKSPO 2017» qarsańynda elorda turǵyndary men qonaqtaryna qolaıly jaǵdaı týǵyzý maqsatynda «Astana» konsert zalynyń aldyndaǵy alańǵa uıaly telefon qýattaıtyn avtonomdy baǵanalar men oryndyqtar ornatyldy», – dep habarlandy Saryarqa aýdany ákimdiginiń resmı paraqshasynda.
Atalǵan nysandar kún batareıalary arqyly qýat jınaýǵa negizdelgen jáne energııalyq tıimdiligimen erekshelenedi.