− Bizdiń qorlardyń qyzmeti negizinen bir-birine uqsas keledi. Mysaly, sizderdiń Qor bilim berý, mádenıet, ǵylym jáne áleýmettik salalardaǵy qoǵamdyq mańyzy bar jobalardy júzege asyrýǵa belsendi qatysady. Bizde de solaı. Osy yntymaqtastyqtyń arqasynda bizder mádenıet pen ǵylym salalaryna qatysty jobalardy iske asyrýda tabysqa jetetinimizge senimdimin. Onyń ishinde talantty jastar men jas ǵalymdarǵa qoldaý kórsetý de bar, − dedi Qazaqstan Respýblıkasynyń Tuńǵysh Prezıdenti – Elbasy qorynyń atqarýshy dırektory Qanat Jumabaev.
Memorandýmǵa qol qoıý rásimine Qazaqstannyń Ázerbaıjandaǵy elshisi Beıbit Isabaev ta qatysty. Ol sózinde eki qor arasyndaǵy yntymaqtastyq mańyzdylyǵymen erekshelenetinin atap ótti. Qol qoıý rásiminen keıin ótken kezdesýde eki qor arasyndaǵy baılanysty keńeıtý múmkindigi talqylandy. Sonymen qatar, taraptar birlesken jobalardy júzege asyrý Qazaqstan men Ázerbaıjan halyqtarynyń qarym-qatynasyn nyǵaıtýǵa qyzmet etetinine nazar aýdardy.