L. N. Gýmılev atyndaǵy Eýrazııa ulttyq ýnıversıtetiniń konsert zalynda Astana qalasy ákimdiginiń «Astana jastary» KMM aýla klýbtarynyń tárbıelenýshileri qalada turatyn UOS ardagerlerine arnap áskerı ánder konsertin uıymdastyrdy, dep habarlaıdy ákimdiktiń resmı saıty.
Elordalyq ardagerlerdiń aldynda bı ujymdary, L. N. Gýmılev atyndaǵy EUÝ áskerı kafedrasynyń hory, halyqaralyq baıqaýlardyń laýreaty jáne Qazaqstannyń eńbek sińirgen dombyrashysy Aıbek Bekbosyn óner kórsetti. «Jeńis kúni eń qurmetti merekelerdiń biri. Biz ata-babalar erliginiń aldynda bas ıemiz, jáne Jeńis úshin jaý oǵyna ushqandardy máńgi este saqtaımyz. Soǵys batyrlarynyń sany jyl sanap azaıyp keledi. Sol sebepti ardagerlerimizdi umytpaı, balalarymyzdy otansúıgishtikke tárbıeleý basty mindetimiz», – deıdi sharaǵa qatysýshylar.