Jergilikti sharýalar qarakól qoıynan keler tabystyń mol bolatynyn aıtýda. Negizinen qarakól sharýashylyǵyn shól jáne shóleıitti aımaqtarda kóbeıtip, damytý qolaıly bolyp keledi. Sol sebepti Arys aýdanynyń Baıyrqum aýyldyq okrýgindegi «Baıyrqum-Agro» sharýashylyǵy qarakól ósirýdi qolǵa alyp, onyń sanyn kóbeıtýdi josparlap otyr. Jaıylymdyq jeri 4900 ga quraıtyn sharýashylyqta búginde 2000 bas qarakól tuqymy ósirilse, jyl sońyna deıin 20 myń basqa jetkizý kózdelip otyr. Búginde qundy bolyp esepteletin qarakóldiń terisin Italııa eline eksporttaý úshin kelisim shart jasalǵan. Bul qoıdyń terisi naryqta 100 AQSh dollaryna baǵalanyp otyr. Sondaı-aq qarapaıym qoılar 3-4 shaqyrym jerge jaıylsa, qarakól táýligine 10-15 shaqyrymǵa deıingi qashyqtyqta jaıyla alady. Sýdyń joǵary mıneraldanýyn jáne aýa temperatýrasynyń kúrt aýytqýyn jaqsy kóteredi. «Baıyrqum-Agro» sharýashylyǵynda 5 birlik MTZ-80 traktory men 3 avtokólik bar. Qarakól qoıyn damytý úshin sharýashylyq memleketten 35 mln teńge sýbsıdııa alǵan. Sonymen qatar, Sozaq aýdanyndaǵy «Qumkent» jáne «Qaraqur» óndiristik kooperatıvi de osy qarakól qoıyn ósirýmen aınalysyp keledi. Olar ótken jyly qarakól toqtysyn Birikken Arab Ámirlikterine eksportqa shyǵaryp, tıimdi baǵada satty. Sheteldikterdiń qoı alýdaǵy talaptarynan shyqqan kooperatıv taǵy da birqatar qarakól qoıyn shetelge satýdy josparlaýda.
Ońtústik Qazaqstan oblysynda qarakól qoı tuqymyn kóbeıtý jumystary qarqyndy túrde qolǵa alynýda, dep habarlaıdy oblys ákiminiń baspasóz qyzmeti.