«20 jylǵa – 20 týyndy» kórmesi ótti

Mádenıet mınıstrliginiń tapsyrysy bo­ıyn­sha «Qazaqstannyń azamattyq Alıansy» men «Samuryq» ınnovasııalyq ıdeıalardy da­my­tý ortalyǵy» el Táýelsizdiginiń 20 jyl­dyǵyna oraı Qyzylorda qalasynda «20 jylǵa – 20 týyndy» atty qolóner sheberleriniń kórmesin ótkizdi. Sondaı-aq «Qazaqstan – 20 jyl, tek qana alǵa» uranymen jastar aksııasy da boldy. «20 jylǵa – 20 týyndy» atty qolóner sheber­leriniń kórmesine  mereıli merekeni nasıhattaıtyn, táýelsizdiktiń jarshysyn beınelegen túrli qolóner buıymdary qoıyldy. Árbir týyndydan elimizdiń erteńi sanalatyn jastar býynynyń jarqyn bolashaqqa degen umtylysyn baıqaýǵa bolady. Jastardyń ózindik ıdeıasymen el egemendigin urandaǵan osyndaı eńbekteriniń kórmesi oblys­tyq baıqaý túrinde uıymdastyrylyp, úzdik óner týyndysy ıelerine arnaıy baǵaly syı­lyq­tar men alǵys hattar tabystaldy. Erjan BAITILES, Qyzylorda.