Sıfrlyq ekonomıka qarqyndy damyǵan kezeńde salyq salýdyń ashyqtyǵy men ádildigin qamtamasyz etý negizgi mindetterdiń birine aınaldy. Osy baǵytta Qarjy mınıstrliginiń Memlekettik kirister komıteti júıeli ári belsendi jumys júrgizip keledi, dep jazady Egemen.kz.
2022 jyldan beri elimizde sıfrlyq qyzmetterge salynatyn, kópshilikke «Google salyǵy» ataýymen belgili tetik qoldanysqa endi. Osy ýaqyt ishinde 120 sheteldik kompanııa shartty tirkeýden ótken. Sonyń 22-si 2025 jyly tirkelgen. Atalǵan kezeńde bıýdjetke túsken jalpy túsim kólemi 136 mlrd teńgege jetti. Onyń ishinde 2025 jyly 57,6 mlrd teńge, al 2026 jylǵy qańtar aıynda 8,7 mlrd teńge túsken.
2025 jyly Google-dan eń kóp izdelgen suraqtar qandaı?
Salyq kodeksine sáıkes ekinshi deńgeıdegi bankter men tólem uıymdary shartty tirkeýden ótken sheteldik kompanııalar jónindegi málimetterdi memlekettik kirister organdaryna usynady. Bul derekter Qazaqstan aýmaǵynda jeke tulǵalarǵa elektrondyq saýda arqyly taýar satý jáne sıfrlyq formatta qyzmet kórsetý kezinde salyq mindettemeleriniń tolyq ári ýaqtyly oryndalýyn taldaýǵa paıdalanylady.
Jańa Salyq kodeksi halyqqa ne beredi?
Memlekettik kirister organdary ekinshi deńgeıdegi bankter men tólem uıymdarynyń málimetterin sheteldik kompanııalar tólegen qosylǵan qun salyǵy týraly derektermen salystyryp, kameraldyq baqylaý júrgizedi. Tólemeý nemese tolyq tólemeý derekteri anyqtalǵan jaǵdaıda, alshaqtyqtar týraly tıisti habarlamalar joldanady.
Apple Google kompanııasymen taǵy bir kelisimshartqa qol qoıdy
Sonymen qatar Salyq kodeksiniń 89-babyna sáıkes 2026 jylǵy 1 qańtardan bastap kameraldyq baqylaý nátıjeleri boıynsha jiberilgen habarlamalardy, sondaı-aq qosylǵan qun salyǵy boıynsha tirkeý esebine qoıý týraly talaptardy oryndamaǵan sheteldik marketpleısterdiń ınternet-resýrstaryn buǵattaý týraly sheshim qabyldaýǵa múmkindik beretin normalar qarastyrylǵan.
Bul sharalar otandyq jáne sheteldik naryq qatysýshylary úshin teń básekelestik orta qalyptastyrýdy, sıfrlyq keńistiktegi salyq tártibin kúsheıtýdi jáne qujattyq salyqtyq tekserýlersiz-aq kóleńkeli ekonomıkanyń úlesin azaıtýdy kózdeıdi.
Eske sala keteıik, budan bir jyl buryn Memleket basshysy Google kompanııasynyń ókilin qabyldaǵan edi.