Ortalyq Qytaıda oryn alǵan jol-kólik apaty saldarynan 41 adam qaza taýyp, taǵy alty adam ártúrli dene jaraqattaryn alǵan. Oqıǵa juma kúni tańerteń bolǵan.
Henan provınsııasynyń Sınıan qalasynda jolmen júıtkip kele jatqan avtobýsta taban astynan órt shyqqan. Ázirge onyń sebebi, saldary anyqtalýda. Eń basty joramal salonda tez tutanatyn materıal boldy degenge saıady. Bir belgilisi avtobýsta 35 oryndyq bolsa, jolaýshylar sany 47 kórinedi.
Grekııaǵa 158, 6 mıllıard eýro beretin boldy
Eýronyń dollarǵa shaqqandaǵy baǵamy sońǵy eki apta ishinde birshama kóterildi. Atalǵan valıýtanyń munshalyqty senimge ıe bolýy Halyqaralyq valıýta qorynyń qatysýymen eýroaımaq elderi basshylarynyń sammıtimen baılanysty delinýde.
Atalǵan jıynda óńirdegi qarjylyq turaqtylyqty saqtaý jónindegi qosymsha sharalar jospary bekitildi jáne Grekııaǵa kómek kórsetý maqsatynda quny 158,6 mıllıard eýro bolatyn úshjyldyq baǵdarlama qabyldandy. Tótenshe sammıt Eýropa odaǵynyń prezıdenti Herman Van Rompeıdiń bastamasymen ótken.
Kaddafı búlikshilermen kelissóz júrgizbeıdi
Lıvııa basshysy Mýammar Kaddafı búlikshilermen kelissóz jasamaıtyndyǵyn málimdedi. Qazirgi tańda lıvııalyq dıktatordyń taǵynan beıbit jolmen ketýi týraly ártúrli qaýesetter aıtylyp júr.
Tipti, AQSh memdepartamenti men Fransııa úkimeti Kaddafı ókilderimen kezdesip, osy másele barysyn talqylaǵan degen aqparat ta tarap úlgergen. Alaıda, Trıpolı bul máselede oppozısııamen kelissózderdiń bolýy múmkin emestigin jıi qaıtalap keledi. Sóıtse de Kaddafı jaqtastary tuıyqtan az shyǵynsyz shyǵýǵa tyrysýda.
Qoǵamdyq kólik qatynasyn bir táýlikke toqtatty
Italııada kólik salasynyń kásipodaq uıymdary ereýildi bastady. Osy eldiń temir jol kóligi qyzmetkerleriniń ereýilge shyǵýynan poıyzdar, metro, qalalyq avtobýstar men tramvaılar toqtaǵan.
Sońǵy ret kólik transport qyzmetkerleri mundaı jalpyulttyq aksııany ústimizdegi jyldyń 31 naýryzy men 1 sáýir aralyǵynda ótkizgen-di. Ereýilge shyǵýdyń basty sebebi, jergilikti kólik salasyna bólinetin qarjynyń qysqarýy, sondaı-aq jańa eńbek shartyn jasaý jónindegi jumystyń turalap qalýynda jatyr. Kólik salasynyń kásipodaq uıymdary osy máselelerdi sheshýdi talap etýde.
291 mıllıard dollar jumsalady
Sońǵy bes jylda Japonııa úkimeti sýnamı zardaptaryn joıý úshin 19 trıllıon ıen (291 mıllıard dollar) jumsaýdy kózdeıdi. Negizinen bul qarjylar ústimizdegi jyldyń 11 naýryzynda sý shaıǵan ınfraqurylymdardy qalpyna keltirý úshin qajet.
Munshalyqty qarjy kózin tabý maqsatynda úkimet shyǵyndardy qysqartyp, memlekettik aktıvterdi satýdy maqsat etip otyr. Sonymen qatar, salyq kólemi de birshama artatynyn bolady. Qazirgi tańda atalǵan qarjylyq quıylymǵa qajetti soma bir aı ishinde tolyq anyqtalyp, sheshim qabyldanady dep kútilýde.
Beıresmı kelissózder júrgiziletin sııaqty
Buǵan deıin aralary bir jylyp, bir sýyp turǵan Soltústik Koreıa men Ońtústik Koreıa Ońtústik-Shyǵys Azııa memleketteri qaýymdastyǵynyń kezekti forýmynda beıresmı kelissózder júrgizedi dep kútilýde. Mundaı aqparatty Aq úıdegi málimet kózi habarlaǵan.
Associated Press agenttiginiń habarlaýynsha, bul eki el arasyndaǵy ózara yqpaldasýǵa degen qadam. Soltústik Koreıanyń ıadrolyq baǵdarlamasy jónindegi kelissózder osydan dál eki jyl buryn toqtap qalǵan bolatyn. Endi osy máseledegi kelissózder AQSh, Qytaı, Reseı, Japonııa jáne Ońtústik Koreıa dıplomattarynyń qatysýymen qaıtadan jalǵasyn tabatyn bolady.
Qysqa qaıyryp aıtqanda:
*Meksıka bıligi ortalyq Keretaro shtatynda sıntetıkalyq esirtki daıyndaý úshin jasyrylǵan 839,5 tonna jáne 340 myń lıtr bolatyn shıkizat tárkilegen.
*О́z dáýiriniń eń bir tanymal Brıtan sýretshisi Lıýsen Freıd 88 jasqa kelgen shaǵynda ómirden ozdy. Ataqty sýretshi psıhoanalızdiń negizin qurǵan ataqty Zıgmýnd Freıdtiń nemeresi. Ol 1922 jyly Berlınde ómirge kelgen.
*Kanada birneshe jylǵa sozylǵan kelissózderden keıin kásipker Laı Chansındi qytaılyq tergeýshilerdiń qolyna tapsyrdy. Oǵan QHR aýmaǵyna avtokólikterdi, temeki men munaı ónimderin jáne ózge de taýarlardy kontrabandalyq jolmen kirgizdi degen aıyp taǵylyp otyr.
*Brıtanııanyń Olımpıada komıteti «Merdok» korporasııasymen Olımpıadany jarııalaý úshin jasalǵan kelisim-shartty buzatyndyqtaryn málimdedi.
Internet materıaldary negizinde ázirlendi.