Qazaqstan Respýblıkasy Prezıdentiniń 2011 jylǵy 27 qańtardaǵy №1144 «2011 jyldy «Qazaqstan Respýblıkasy táýelsizdiginiń 20 jyldyǵy» dep jarııalaý týraly» Jarlyǵyn oryndaý, sondaı-aq otandyq sýretshilerge qoldaý kórsetý, olardyń jańa shyǵarmalaryn yntalandyrý maqsatynda Qazaqstan Respýblıkasynyń Mádenıet mınıstrligi
1) keskindeme;
2) músin;
3) grafıka;
4) sándik-qoldanbaly óner nomınasııalary boıynsha «О́z elim» konkýrsy ótkiziletinin habarlaıdy.
Konkýrsqa kásibı sýretshiler bir nemese birneshe nomınasııa boıynsha qatysa alady. Avtor ár nomınasııaǵa bir ǵana shyǵarmasyn usynady. Konkýrsqa qatysýshylardyń jas shamasyna shek qoıylmaıdy.
Konkýrsqa ketken shyǵyndy qatysýshylardyń ózderi kóteredi.
Usynylatyn shyǵarmalardyń resimdelýine qoıylatyn negizgi talaptar:
1) «Keskindeme», «grafıka» nomınasııalary úshin – polotno ólshemi 90h60 sm-den kem bolmaýy tıis, jumys arnaıy qorshaýlarmen (bagetpen, aǵashpen) áshekeılenýi kerek, kelesi betinde avtordyń aty-jóni, sýrettiń ataýy, salǵan jyly, ólshemi men oryndalý tehnıkasy jazylyp kórsetilýi qajet.
2) «Músin», «Sándik-qoldanbaly óner» nomınasııalary boıynsha jumystardyń ańdatpasynda shyǵarma avtory, ólshemi, ataýy, salǵan jyly men ıdeıasynyń qysqasha sıpattamasy kórsetilýi tıis.
Qatysýshylar konkýrstyń birinshi týrynda 2011 jyldyń 20 qyrkúıegine deıin konkýrsqa qatysý týraly ótinishti, tólqujat nemese jeke kýáliginiń kóshirmesin jáne konkýrsqa usynatyn shyǵarmalarynyń elektrondy JPEG formatyndaǵy sýretterin uıymdastyrýshy komıtettiń elektrondy adresine (ruxdk@mail.ru) jiberedi.
Birinshi týrdan ótken shyǵarmalardyń túpnusqalary 2011 jyldyń 4 qazanyna deıin myna mekenjaıǵa tapsyrylady: Qazaqstan Respýblıkasy, Almaty q., Panfılov k-si, 92, QR Sýretshiler odaǵynyń kórme zaly. Búlingen jumystar konkýrsqa qabyldanbaıdy, jumystar ekspozısııaǵa qoıýǵa laıyqty bolýy shart.
Konkýrsqa qatysatyn shyǵarmalarmen birge olardyń elektrondy nusqalary TIF formatynda (1200*1600 DPI) arnaıy katalog shyǵarý úshin qosa tapsyrylady.
Konkýrstyń ekinshi týrynan keıin úzdik dep tanylǵan jumystar Astana qalasyndaǵy Prezıdenttik mádenıet ortalyǵyndaǵy kórmege qoıylady jáne avtorlar aqshalaı syılyqtarmen, dıplomdarmen marapattalady. Túrli nomınasııa boıynsha jeńimpaz atanǵan shyǵarmalar Á. Qasteev atyndaǵy memlekettik óner mýzeıiniń qoryna saqtaýǵa alynatyn bolady.
Konkýrs týraly tolyq aqparat pen týrlardyń qorytyndysy jónindegi habarlar Qazaqstan Respýblıkasy Mádenıet mınıstrliginiń (www.mki.gov.kz) jáne «Qazaqstan halqynyń rýhanı damý qory» AQ (www.ruhdk.kz) resmı saıttarynda jarııalanady.