Belgi

Almaty qalasynda KSRO halyq ártisi, Halyq Qahar­ma­ny Roza Baǵlanovany máńgi este qaldyrý úshin ózi turǵan úı­diń qa­­byrǵasynda eskertkish taq­­ta qoıyldy. Eskertkish taqtanyń ashylý sal­tanatynda Almaty qalalyq tilderdi damytý, muraǵattar já­ne qujattama basqarmasynyń basshysy Mamaı Ahet kirispe sóz sóıledi. Odan keıin Almaty qa­lasy ákiminiń orynbasary Serik Seıdýmanov ataqty ánshiniń ómir joly men óner jolyna keńinen toqtala kelip, halqyna qyzmet etip ótken osyndaı abzal jandar eshqashan umytylmaı­tyndyǵyn atap aıtty. Jıynda sondaı-aq, Roza apa­myzben kózi tirisinde qyzmettes bolǵan Altynbek Qorazbaev, Sara Tynyshtyǵulova, Maqpal Jú­nisova sekildi óner qaıratkerleri óz pikirlerimen bólisip, ataqty ánshiniń týǵan-týystary osy sha­rany uıymdastyrýshylar men qol­daý kórsetýshi azamattarǵa jú­­rekjardy tilekterin jetkizdi. Qanat ESKENDIR, Almaty. Sýretti túsirgen Bersinbek Sársenov.