«Bolashaq sarbazy» jıyntyǵy ázirlenedi

Qorǵanys jáne aero­ǵa­rysh ónerkásibi vıse-mınıstri Marat Nurǵojınniń tóraǵa­lyǵy­men joǵary tehnolo­gııa­lar­dy qoldana otyryp, Qazaq­stan Respýblıkasy Qarý­ly Kúsh­teriniń bólimderi men jeke quramynyń jaýyn­ger­lik kerek-jaraǵyn jasaqtaý jóninde baǵdarlama ázirleý máse­lesi boıynsha májilis ótken bolatyn. Is-sharaǵa Qor­ǵanys, Ishki ister mınıstr­likteriniń jáne «Qazaqstan Injınırıng» UK» AQ-tyń ókilderi de  qatysty. Qazirgi ýaqytta «Bolashaq sarbazy» úlgisindegi kerek-jaraq jıyntyǵyna álemniń 50-den astam eliniń armııasy ıe bolǵanyn atap ótken jón. Máselen, Reseıde qor­ǵaýdyń zamanaýı qural­dary keshenin, baılanys, baqylaý jáne kózdeý, qarý-jaraq jáne oq-dári qu­ral­dary keshenin bildire­tin «Rat­nık» jaýyngerlik jıyn­tyǵymen Qarýly Kúshter­di jabdyqtaý jónindegi jumys­tar júrgizilýde. Osy jıyn­tyq jaýyngerlik tıimdilik pen urys alańynda jeke soldattyń tiri qalýyn edáýir arttyrýǵa múmkindik beredi. «Biz ýaqyttyń aǵymy­nan qalmaı, ǵylym men tehnıka sala­syndaǵy sońǵy jetis­tik­terdi paıdalaný esebinen áske­rı qyzmetshilerdiń tıim­di­ligin arttyrýǵa arnalǵan ózimiz­diń baǵdarlama qajet dep esepteımiz. Bul rette, biz ózimiz­diń otandyq kásip­oryn­­dardyń áleýetin barynsha utym­dy paıdalanýymyz qa­jet», − dep atap ótti vıse-mınıstr.