Temir jol kásibin birinshi bastaǵan áýlettiń otaǵasy Kúshikbaev Tazabek Jańabaıuly UOS kezinde tylda eńbek etip, odan soń Arystaǵy Temirjol sý mekemesinde 36 jyl jumys istep, zeınetkerlikke shyqty. Sol jyldar ishinde ol irgeles jatqan Taldyqudyq, Qabylsaı, Shaǵyr stansalary men razezderindegi halyqty sýmen qamtyǵan.
Búginde Jańabaı aqsaqal 85 jasta. 7 ul men 3 qyz tárbıelep ósirdi. Olardan 22 nemere, 18 shóbere súıip otyr. Jary Raıhan apamyz Keńes Odaǵy kezinde «Batyr ana», Táýelsiz elimiz bergen «Altyn alqa» ıegeri atandy.
Arys qalasy mańyndaǵy burynǵy Qabylsaı beketinde turatyn Jańabaı qarııa bastaǵan temirjolshy mamandyǵyna otbasynan 17 adam qosylyp, búginde 14-i jalǵastyrýda. Iаǵnı, 7 uly men eki kelini jáne 5 nemeresi ata kásipti meńgergen.
Jańabaevtar áýletiniń uzaq jyldar boıy temirjol salasynda sińirgen eńbekteri, jetken jetistikteri men qabilettilikterin, bazalyq daıyndyqtaryn eskere otyryp qoǵamda Eńbek adamynyń mártebesin arttyrý jáne eńbek ónimdiligin yntalandyrý maqsatynda oblys ákiminiń «Úzdik eńbek dınastııasy» nomınasııasy berilgen bolatyn.