Ońtústik-Shyǵys Azııada Nıpah vırýsynyń órshýine baılanysty Qazaqstannyń shekara arqyly ótetin barlyq ótkizý pýnktterinde sanıtarlyq-karantındik baqylaý kúsheıtildi, dep habarlaıdy Egemen.kz Densaýlyq saqtaý mınıstrliginiń baspasóz qyzmetine silteme jasap.
Bul ınfeksııa boıynsha qolaısyz jaǵdaı tirkelgen elderden, sonyń ishinde Úndistannan keletin jolaýshylarǵa erekshe nazar aýdarylady.
Mınıstrliktiń málimetinshe, halyqaralyq áýejaılarda qoǵamdyq densaýlyq saqtaý salasyndaǵy tótenshe jaǵdaılar týyndaǵan jaǵdaıda áreket etýge baǵyttalǵan vedomstvoaralyq oqý-jattyǵýlar ótkizilip jatyr.
«Medısınalyq uıymdar joǵary daıyndyq rejımine kóshirildi. Olar dári-dármek qory, jeke qorǵanysh quraldary jáne dezınfeksııalaý quraldarymen tolyq qamtamasyz etilgen», delingen habarlamada.
Bangladeshte nıpah vırýsyn juqtyrǵan áıel kóz jumdy
Qyzylsha aýrýy da órship baradyNıpah vırýsynan bólek elde qyzylsha aýrýynyń da órship turǵany baıqalady. 2025 jylǵy qarashadan beri ósim áli de baıqalyp otyr. Qazir bul dert Shymkent qalasyn qospaǵanda, Qazaqstannyń 19 óńirinde tirkelip otyr.
Naýqastardyń basym bóligi – vaksına almaǵan balalar. Olar barlyq jaǵdaıdyń shamamen 80%-yn quraıdy. Aýyrǵan balalardyń 58%-y ata-anasynyń bas tartýyna baılanysty ekpe almaǵan.
Qyzylshanyń aldyn alýdyń jalǵyz tıimdi joly – vaksına alý. Ata-analarǵa balalardyń ekpe mártebesin Ulttyq egý kúntizbesine sáıkes tekserip, qajet bolǵan jaǵdaıda tirkelgen emhanaǵa júginý usynylady.
Eske salaıyq, 2026 jyldyń basynan beri elde 1 951 qyzylsha jaǵdaıy tirkeldi. Aýrýdyń eń kóp sany:
Astana qalasynda – 581 jaǵdaı; Jambyl oblysynda – 339; Almaty qalasynda – 317; Almaty oblysynda – 146 jaǵdaı.Nıpah vırýsy anyqtalǵan jaǵdaıda Almaty áýejaıy qalaı áreket etedi?
JRVI men tumaý2025 jylǵy 1 qyrkúıekten bastap Qazaqstanda 3,3 mıllıonnan astam JRVI jaǵdaıy tirkeldi. Mınıstrliktiń baspasóz qyzmetiniń habarlaýynsha, bul ótken maýsymnyń osy kezeńimen salystyrǵanda 10%-ǵa az.
Osy ýaqyt ishinde zerthanalyq túrde 3 018 tumaý jaǵdaıy rastaldy. Olardyń basym bóligi A (H3N2) tumaý vırýsyna tıesili – 2 958 jaǵdaı. Sonymen qatar:
A (H1N1) tumaýynyń – 53 jaǵdaıy; B tumaýynyń – 7 jaǵdaıy anyqtaldy.Tumaýǵa qarsy ekpe 2,27 mln-nan astam adamǵa egildi, bul el halqynyń 11,13%-yn quraıdy.
«Mektepter men basqa da oqý oryndary qalypty rejımde jumysyn jalǵastyryp otyr. Synyptaǵy oqýshylar arasyndaǵy aýrýshańdyq deńgeıi jalpy balalar sanynyń 20%-ynan aspaıdy», delingen habarlamada.