Tótenshe jaǵdaılar mınıstrligi kóktemgi muzdyń erýi kezinde azamattardy sý aıdyndarynda qaýipsizdik sharalaryn qatań saqtaýǵa shaqyrady. Maýsym bastalǵaly beri qutqarýshylar 34 adamdy, onyń ishinde 13 balany qutqaryp qaldy, dep habarlaıdy Egemen.kz.
Qutqarýshylardyń aıtýynsha, kóktemgi kezeńde muz syrttaı qatty bolyp kóringenimen, óziniń beriktigin tez joǵaltady. Kún jylynyp, muz qabaty keýekti ári mort synǵysh kúıge aýysady. TJM oıyqtar men muz oıylǵan jerlerde muzǵa shyǵýǵa qatań tyıym salynatynyn eskertedi.
Mekeme málimetinshe, qaýipsizdikti qamtamasyz etý maqsatynda:
28 myńnan astam reıd ótti; 102 myńnan astam azamatpen profılaktıkalyq áńgime júrgizildi; 47 myńǵa jýyq balyqshyǵa qaýipsizdik nusqaýlyqtary berildi.Tótenshe jaǵdaılardyń aldyn alý úshin TJM kelesi erejelerdi jadyda saqtaýdy suraıdy: juqa nemese berik emes muzǵa shyqpańyz; muz ústinde bir jerge top bolyp jınalmańyz; muz oıyqtaryna jaqyndamańyz; belgilengen ótkelderden tys jerlerde muz ústine kólikpen shyqpańyz.