Oljas Bektenov qazaqstandyqtardy jańarý men kóktemniń, jańa bastamalardyń merekesi – Naýryz meıramymen quttyqtady. Quttyqtaýynda Úkimet basshysy konstıtýsııalyq reformanyń el damýy men birliginiń sımvolyna aınalǵanyn atap ótip, kóktem merekesi ár shańyraqqa beıbitshilik, bereke jáne molshylyq ákelsin degen tilegin bildirdi, dep habarlaıdy Egemen.kz.
«Qurmetti qazaqstandyqtar!
Barshańyzdy yrys pen yntymaqtyń arqaýy, izgilik ataýlynyń bereke-bastaýy – Naýryz meıramymen shyn júrekten quttyqtaımyn!
Bıyl qazaq eli Prezıdentimiz Qasym-Jomart Kemeluly Toqaevtyń basshylyǵymen júzege asyrylyp jatqan aýqymdy ózgeristerdi qoldap, damýdyń jańa kezeńine nyq qadam basty. Jańǵyrýdyń jarqyn nyshanyna aınalǵan jańa Konstıtýsııamyz ulttyq dástúrimiz ben mádenıetimizdi ulyqtap, qasterli Táýelsizdigimizben birge jasaı bermek.
Ulystyń uly kúni birligi bekem halqymyzdy ortaq maqsatqa uıystyryp, beıbit ómir men eńseli eldik jolyndaǵy arman-muratyna jetkizsin. Jańarǵan jyl jurtymyz úshin jasampaz isterge, tolaıym tabysqa toly bolsyn. Áz-Naýryzda ár shańyraq qut-berekege bólenip, yrzyq-nesibege kenelsin.
Sizderge zor densaýlyq, otbasylaryńyzǵa baıandy baqyt tileımin!
Ulys oń, aq mol bolsyn!», dep quttyqtady Úkimet basshysy.
Memleket basshysy el azamattaryn Naýryz meıramymen quttyqtady