Astanada LRT jelisiniń jyljymaly quramy men negizgi júıelerin testilik synaqtan ótkizý jumysy tolyq kólemde aıaqtaldy, dep habarlaıdy Egemen.kz.
Elorda ákimdiginiń habarlaýynsha, qazir jelide josparly tazalaý jáne reglamenttik jumys júrgizilip jatyr.
Osyǵan baılanysty, 5 mamyrǵa deıin barlyq LRT poıyzynyń qozǵalysy ýaqytsha toqtatyldy.
LRT kólik kartasyna ótinim berý qashan bastalady?
«LRT nysandarynda estakadalyq ınfraqurylymdy tazalaý, stansııa ǵımarattaryn tazalaý, sondaı-aq jekelegen ınjenerlik júıelerdi odan ári paıdalanýǵa daıyndaý jumysy júrgiziledi», delingen ákimdik taratqan habarlamada.
Bul jumys LRT ınfraqurylymyn daıyndaý aıasynda josparly túrde júzege asyrylady.