2-4 mamyr aralyǵynda el aýmaǵynyń basym bóliginde aýa raıy qubylmaly bolady. Sınoptıkterdiń boljamynsha, el óńirlerinde naızaǵaı oınap, jańbyr jaýady, dep jazady Egemen.kz.
Mamandardyń málimetinshe, ońtústik pen ońtústik-shyǵysta jaýyn-shashyn úsh kún boıy tolassyz jaýýy múmkin. Al 4 mamyr kúni nóser jańbyr soltústik-batys aımaqtarǵa da jetedi dep boljanǵan. Keı óńirlerde burshaq túsip, ekpindi jel soǵýy yqtımal. Túngi jáne tańǵy ýaqyttarda respýblıka kóleminde tuman túsýi yqtımal.
Sonymen qatar birqatar óńirde úsik saqtalady. Atap aıtqanda, túnde batys, soltústik-batys, soltústik jáne ortalyq aımaqtarda aýa temperatýrasy -3 gradýsqa deıin tómendeýi múmkin.
Aptap ystyq, nóser, burshaq: Mamyr aıynda aýa raıy qubylmaly bolady
Al kúndiz aýa temperatýrasy jylyna bastaıdy. Batysta aýa temperatýrasy +17…+32 gradýsqa deıin kóterilse, soltústik-batysta +15…+30, soltústikte +15…+23, al ortalyqta +17…+27 gradýs shamasynda bolady.
Al shyǵys pen ońtústik-shyǵysta, kerisinshe, kúndizgi temperatýra +14…+25 jáne +13…+23 gradýsqa deıin tómendeıdi.