Qasym-Jomart Toqaevqa konstıtýsııalyq reformalardy zańnamalyq turǵydan qamtamasyz etý boıynsha Palatanyń atqarǵan qyzmeti týraly málimet berildi, dep habarlaıdy Egemen.kz.
Erlan Qoshanov Parlament jańa Ata zańnyń normalaryn iske asyrýǵa jol ashatyn jeti konstıtýsııalyq zańdy sapaly ári ýaqtyly qabyldaǵanyn aıtty.Sonyń ishinde «Prezıdent týraly», «Quryltaı jáne onyń depýtattarynyń mártebesi týraly», «Qazaqstan Halyq Keńesi týraly», «Qazaqstan Respýblıkasy astanasynyń mártebesi týraly», «Alataý qalasynyń arnaýly quqyqtyq rejımi týraly» jáne basqa da konstıtýsııalyq zańdar bar.
Atalǵan jumys qoǵam ókilderiniń jáne sarapshylardyń qatysýymen ashyq júrgizildi.Jalpy, Májilis sessııasy bastalǵannan beri 89 zań qabyldanyp, Senatqa joldanǵan. Olardyń arasynda Qurylys, Sıfrlyq kodekster, jasandy ıntellekt, bank jáne bank qyzmeti, quqyqbuzýshylyqtyń aldyn alý, Qylmystyq jáne Qylmystyq-prosessýaldyq kodeksterge ózgerister engizý, memlekettik qyzmet, memlekettik nagradalar, ǵylym máseleleri, pedagog mártebesin kóterý, jemqorlyqqa qarsy is-qımyl, jeke sot oryndaýshylar qyzmeti jáne basqa da zańdar bar.Qazir depýtattardyń qaraýynda 80 zań jobasy jatyr. Onyń qatarynda jańa Konstıtýsııa qabyldaýǵa baılanysty raqymshylyq jarııalaý, jol qozǵalysyndaǵy sıfrlandyrý men qaýipsizdik, jergilikti ózin-ózi basqarý, telekommýnıkasııa naryǵyn damytý, mashına jasaý salasyn damytý, tehnıkalyq jáne kásiptik bilim berý, notarıat jáne basqa da máseleler týraly zań jobalaryn aıtýǵa bolady.Májilis sessııa sońyna deıin Joǵary aýdıtorlyq palata tóraǵasynyń ǵylymdy damytýǵa bólingen qarjyny oryndy jumsaý, byltyrǵy respýblıkalyq bıýdjetti ıgerýge qatysty Úkimet pen Joǵary aýdıtorlyq palatanyń esebin jáne depýtattardyń aımaqtarǵa sapary kezinde saılaýshylar tarapynan túsken ótinishterdiń nátıjeleri boıynsha Úkimettiń aqparatyn tyńdaýdy josparlap otyrǵanyn málimdedi.Májilis zań shyǵarý isinde ashyqtyqqa jáne sarapshylyq toppen yntymaqtastyqqa basa nazar aýdarady.Qoǵamdyq palata otyrystary turaqty túrde ótkizilip keledi.Parlamenttik dıplomatııa baǵytyndaǵy jumys qorytyndylary, atap aıtqanda, TúrikPA, TMD Parlamentaralyq assambleıasy jáne basqa parlamentaralyq uıymdarmen yqpaldastyq jaıynda baıandady.