Astana qalasyndaǵy turǵyn úı keshenderiniń birinde qaıǵyly jaǵdaıdyń aldyn alǵan oqıǵa áleýmettik jelide qyzý talqylanyp jatyr. Kópqabatty úıdiń 12-qabatyndaǵy balkonda turǵan kishkentaı balany turǵyndardyń biri der kezinde baıqap, qutqaryp qalǵan, dep habarlaıdy Egemen.kz.
Kýágerler túsirgen beınejazbada er adamnyń balanyń qaýipti jerde turǵanyn kórip, birden lıft arqyly joǵary kóterilgeni baıqalady. Ol der kezinde jetip, búldirshindi qaýipsiz jerge alyp shyqqan.
Aldyn ala málimet boıynsha, bala páterden ózdiginen shyǵyp ketken. Sol sátte úıde bolǵan ákesi qatty uıyqtap jatqan. Abyroı bolǵanda, eshkim zardap shekpedi.
Áleýmettik jeli qoldanýshylary balany qutqaryp qalǵan azamattyń áreketine rızashylyq bildirip, ony naǵyz batyr dep atap jatyr. Sonymen qatar kópshilik ata-analardy balalar qaýipsizdigine muqııat bolýǵa shaqyrdy.
Mundaı jaǵdaılar sońǵy jyldary elimizde jıilep ketken. Tótenshe jaǵdaılar qyzmeti ásirese jaz mezgilinde tereze men balkon qaýipsizdigine erekshe nazar aýdarý qajettigin únemi eskertedi. Mamandar ata-analarǵa balalardy qaraýsyz qaldyrmaýǵa, terezelerge arnaıy bekitkish ornatýǵa jáne qaýipti aımaqtarǵa jaqyn jıhaz qoımaýǵa keńes beredi.
Aıta keteıik, Aqtóbe oblysynda 11 jastaǵy bala oıyn alańynda aýyr jaraqat aldy.
Oralda qańǵybas ıtter bes jasar balany talap tastady.
Aýǵanstanda balalar nekesi zańdastyrylyp jatyr.