Naýryz meıramy kúni «Nurly jol» vokzalynyń perronynan ulttyq naqyshta bezendirilgen №85/86 «Astana – Shymkent» poıyzy saparǵa attandy. Jolaýshylardy perronda ulttyq kıim kıgen jolserikter qarsy alyp, erekshe merekelik kóńil-kúı syılady. Árbir jolaýshyǵa ulttyq taǵamdar – naýryz kóje men baýyrsaq usynyldy, dep habarlaıdy Egemen.kz.
Sondaı-aq, №6829/6830 «Astana – Kókshetaý» jáne №7507/7508 «Astana – Kókshetaý» baǵytyndaǵy elektr poıyzdary da merekelik úlgide bezendirildi. Etnostıldegi poıyzdar 2026 jylǵy naýryz aıynyń sońyna deıin qatynaıdy.
Jolaýshylardy merekelermen quttyqtaý kompanııanyń jyl saıynǵy mańyzdy dástúrine aınalǵan. Ulttyq tasymaldaýshy poıyzdardy taqyryptyq stılde bezendirip, jolaýshylarǵa erekshe kóńil kúı syılaıdy.
Atalǵan merekelik aksııa elimizdiń barlyq óńirlerinde ótkizilip jatyr. Kompanııa qyzmetkerleri men jolserikter poıyz ishinde de, perrondarda da jolaýshylardy Naýryz merekesimen quttyqtaýda.
«Tazarý kúni»: Erteń elimizde aýmaqtardy tazartý boıynsha eko-aksııa ótedi