Bıyl 2,6 GVt dástúrli jáne jańartylatyn energııa kózderi iske qosylady. Bul kelesi jyldyń birinshi toqsanynda energııa tapshylyǵy máselesin sheshýge múmkindik beredi. Bul týraly Úkimettiń keńeıtilgen otyrysynda Premer-mınıstr Oljas Bektenov baıandady, dep jazady Egemen.kz.
Oljas Bektenov elimizde elektr energııasynyń tapshylyǵy saqtalyp otyrǵanyn, ol eń joǵary júkteme kezeńderinde ımporttyń esebinen jabylatynyn atap ótti. О́tken jyly energııa tapshylyǵy 29%-ǵa azaıǵanymen, aýqymy áli de úlken.
«Jańa tarıf saıasatynyń nátıjesinde rettelip kórsetiletin qyzmetterdegi ádil naryqtyq jaǵdaılar qalpyna keltirilip jatyr. Qazir boljamdy tarıfter turǵyn úı-kommýnaldyq sharýashylyǵy salasyna jeke ınvestısııalardy qaıta tartýǵa jol ashty. Mysaly, ótken jyly energetıka salasyna 655 mlrd teńge ınvestısııa tartylsa, bıyl bul kórsetkish shamamen 900 mlrd teńge deńgeıinde bolady dep boljanǵan. Jalpy alǵanda, 2029 jylǵa qaraı elektr energııasyn óndirý kólemi 39 mlrd kılovatt-saǵatqa ulǵaıady», dedi Úkimet basshysy.
10 kúnde jeńildetilgen nesıe: Úkimet ShOB-ty qoldaýdyń jańa tetikterin ázirlep jatyr
Energetıkalyq táýelsizdikti qamtamasyz etýge jáne ósip kele jatqan qýat tapshylyǵyn jabýǵa arnalǵan strategııalyq jumysty júzege asyrý sheńberinde Úkimet 2035 jylǵa deıin 26 GVt-tan astam jańa óndirýshi qýattardy engizý boıynsha keshendi jumys júrgizip jatyr, onyń ishinde atom jáne «taza» kómir generasııasyn damytýǵa basa mán beriledi.
Sondaı-aq Úkimet basshysy jergilikti bıýdjetterdiń respýblıkalyq bıýdjetke táýeldiligi 34%-ǵa deıin tómendeıtinin de atap ótti.