Kezdesýde Memleket basshysyna holdıngtiń jumysy týraly esep berilip, ony budan ári damytý josparlary tanystyryldy.
Nursultan Nazarbaev memlekettik baǵdarlamalardy iske asyrý úshin holdıngke bólingen qarajatty ýaqtyly ári sapaly ıgerýdiń mańyzdylyǵyn atap ótti.
Qazaqstan Prezıdenti ındýstrııalyq-ınnovasııalyq damý baǵdarlamasy men «Nurly jol» ınfraqurylymdyq damý baǵdarlamasynyń oryndalýyna qatysty máselelerge arnaıy toqtaldy.
«Báıterek» ulttyq basqarýshy holdıngi» aksıonerlik qoǵamy basqarmasynyń tóraǵasy Memleket basshysyna holdıngtiń qurylǵannan bergi kórsetkishteri udaıy ósip, byltyr onyń aktıvteri 2015 jylmen salystyrǵanda 15%-ǵa artqany týraly baıandady.
Sondaı-aq, E.Dosaev Qazaqstan Prezıdentine otandyq avtokólik óndirýshilerdi qoldaý, mashına qurastyrý salasyn qarjylandyrý, shaǵyn jáne orta bızneske jáne ekonomıkanyń túrli sektorlaryndaǵy basqa da kásiporyndarǵa járdemdesý máseleleri jóninde málimdedi.
Nursultan Nazarbaev kezdesý sońynda birqatar tapsyrma berdi.