Hakerler Walt Disney kompanııasynyń áli prokatqa shyqpaǵan fılmin urlap alyp, ony ınternetke jarııalamaý úshin aqsha talap etip otyr. Bul týraly kompanııanyń dırektory Bob Aıgerge silteme jasaǵan The Hollywood Reporter jýrnaly habarlady.
Basylymnyń málimetinshe, fılmdi urlaǵan hakerler Walt Disney kompanııasynan eleýli somada aqsha bopsalaýda. Olar aqshany bıtkoınmen (elektrondy valıýta) tóleýdi talap etip, ol shart oryndalmaǵan jaǵdaıda fılmnen aldymen 5 mınýttyq, keıin 20 mınýttyq úzindiler jarııalaıtyndaryn alǵa tartqan. Hakerlerdiń qolyna túsken fılmniń aty atalmaı otyr. Jýrnaldyń aqpary boıynsha, kompanııanyń olarǵa aqsha tóleıtin oıy joq. Qazirgi ýaqytta olar quqyq qorǵaýshylarmen birge tergeý júrgizýde. Walt Disney kompanııasy ázirge oqıǵaǵa baılanysty málimdeme jasaǵan joq.