«Baıqaýdyń negizgi maqsaty – kópultty elimizde turatyn halyqtardyń tilderinde oryndalatyn balalarǵa arnalǵan jańa ánder arqyly jas ónerpazdardyń mýzykalyq shyǵarmashylyq qabiletterin damytý. Kastıngke qazirdiń ózinde 100-den astam qatysýshy tirkeldi. Munyń ózi Shyǵys óńiriniń talantty balalardan kende emes ekendigin kórsetedi», dedi «Jandaný álemi» qorynyń basqarma tóraǵasy Murat Isahanov.
Tuńǵysh Prezıdent qorynyń, Mádenıet jáne sport mınıstrliginiń qoldaýymen ótken baıqaý qatysýshylarynyń ónerin «Jandaný álemi» qorynyń basqarma tóraǵasy Murat Isahanov, mýzykalyq prodıýser Farıda Nııazova jáne estrada juldyzy Maqpal Isabekova baǵalady.
Baıqaý qorytyndysynda kásibı qazylardyń sheshimimen Mádına Jumaqadyrova «Bala daýysy» ulttyq án baıqaýynyń О́skemendegi irikteý kezeńiniń jeńimpazy atandy.
Azamat QASYM, «Egemen Qazaqstan»
Sýretti túsirgen Esimhan ORYNBAEV