Qyzyljar óńiriniń gir kóterýshileri Shýche qalasynda ótken respýblıkalyq chempıonatta aldaryna jan salmady. Osy saıystan 4 altyn, 4 kúmis jáne 3 qola medal oljalap qaıtty.
58 keli salmaq dárejesinde Marııa Naýmova qarsylas shaq keltirmese, erler arasynda túrli sanatta óner kórsetken Mıhaıl Vologodskıı, Aleksandr Marchýk, Vıtalıı Dıdenko jeńistiń eń bıik tuǵyrynan kóterildi.
Baıraqty básekege saıdyń tasyndaı iriktelgen 120 bilektiler qatysyp, el el birinshiliginde jeńiske jetken gir kóterýshiler Eýropa men álem chempıonattarynda Qazaqstan namysyn qorǵaıtyn bolady.
О́mir Esqalı, «Egemen Qazaqstan»