Eli men jeri úshin janyn pıda etken batyrdy keıingi urpaqtyń sanasyna sińirip, talantty jandardyń aqyndyq qabiletin shyńdap, óz shyǵarmashylyǵyn kórsetýge múmkindik berý maqsatynda uıymdastyrylǵan baıqaýdyń mynandaı sharttary bar:
- О́leńder kólemi 15 shýmaqtan kem bolmaýy tıis;
- О́leń joldary, avtordyń tolyq aty-jóni jáne ózi týraly qysqasha málimet fotosýretimen, baılanys telefondary kompıýterde 14-ólshemdi (Microsoft Word – Times New Roman) áripterimen terilip, elektrondy jáne qaǵaz nusqada joldanylýy tıis.- Baıqaýǵa 16 jastan joǵary úmitkerler qatysa alady.
Baıqaýǵa materıaldar 2017 jyldyń 20 maýsymyna deıin qabyldanady.
Baıqaý jeńimpazdaryn anyqtaý maqsatynda arnaıy komıssııa qurylady. Ol túsken shyǵarmalardy jan-jaqty qarap, óleń mazmunyna basa nazar aýdaryp, úzdik dep tanylǵan óleńderdi iriktep alady.
Qorytyndy is-shara 2017 jyldyń shilde aıynyń II onkúndiginde ótkiziledi.
Baıqaýǵa qatysýshylar arnaıy dıplommen marapattalady, jeńimpazdarǵa aqshalaı syılyqtar tabys etiledi:
I oryn – 300 000 teńge;
II oryn – 200 000 teńge;
III oryn – 100 000 teńge.
Barlyq qatysýshylardyń óleńderinen arnaıy jınaq shyǵarylyp, ol Keıki batyrdyń súıegin jerleý rásimi ótkiziletin is-shara qatysýshylaryna taratylatyn bolady.
Múshaıraǵa qatysýshylardyń materıaldary 2017 jyldyń 20 maýsymyna deıin Amangeldi aýdanynyń Ishki saıasat bólimine poshtalyq meken-jaı boıynsha (Qostanaı oblysy, Amangeldi aýdany, Amangeldi selosy, B. Maılın kóshesi, 14 úı, 110200 ınd) nemese sayasat_amangeldi@mail.ru elektrondy meken-jaıyna joldanýy tıis.
Qosymsha málimetterdi 8(71440) 22020 telefon nómerine habarlasý arqyly bile alasyzdar.