Asa jeńil salmaqtaǵy boksshy Birjan Jaqypovqa QR Qorǵanys mınıstrligi ÁOSK sport komıtetiniń tóraǵasy Rasýl Meıirmanov «Minsiz qyzmeti úshin» medalin tabystady, dep habarlaıdy «QazAqparat».
«Birjan Jaqypov Qazaqstan sportynyń maqtanyshy. Ol úsh márte Olımpıada oıyndaryna qatysyp, barlyǵynda shırek fınalǵa deıin jetti. Kóptegen sporttyq sharalardyń jeńimpazy, olardyń qatarynda álem chempıonaty da bar. Sondaı-aq, Birjan túrli halyqaralyq jáne qurlyqaralyq jarystarda qurmet tuǵyryna kóterildi. Mansabyn aıaqtaǵannan keıin de Jaqypov áskerı sport pen salaýatty ómir saltyn nasıhattap, kóptegen jas atletterge úlgi bolyp keledi», dedi Meıirmanov.