Spektakl QR Mádenıet jáne sport mınıstrliginiń qoldaýymen ótpek. Dırıjerlik tizginde – maestro Alan Bóribaev.
«EKSPO-2017» tárizdi halyqaralyq deńgeıdegi osyndaı mańyzdy oqıǵaǵa arnalǵan is-sharalardyń jarqyn baǵdarlamasyn usyný – biz úshin úlken mártebe. Ony qazaq operasynyń jaýhary – ataqty otandyq kompozıtorlar Ahmet Jubanov pen Latıf Hamıdıdiń «Abaı» spektakli ashady. Bul shyǵarmany biz kezdeısoq tańdaǵan joqpyz – ol bizdiń ulttyq ónerimizdiń «biregeı týyndysy», deıdi «Astana Opera» teatrynyń dırektory Ǵalym Ahmedııarov.
Osy jaýhar opera týyndysy uly jazýshy Muhtar Áýezovtiń lıbrettosynyń jelisi boıynsha týyndaǵan. Oqıǵalar negizine – uly qazaq aqyny, aǵartýshy jáne fılosof Abaı Qunanbaevtyń ómirinen (1845-1904) dramalyq oqıǵalar alynǵan. Bul – eki jas Aıdar men Ajardyń romantıkalyq jáne qaıǵyly mahabbatynyń tarıhy. Týyndyda eskishildik pen jańashyldyq arasyndaǵy kúres taqyryby qozǵalady, adamdardyń jaqsy jáne jaman tustary kórneki túrde beınelenedi. Uly Abaı men onyń shákirti Aıdar «eski ómirge», ıaǵnı ilgeri órleýge kedergi bolatyn qubylystyń bárine qarsy shyǵady.
«Astana Opera» teatrynyń bas dırıjeri Alan Bóribaevtyń pikirinshe, «Abaı» operasy – sol kezeńderde jazylǵan uly mýzykalyq shyǵarmalardyń biri. Qoıylymnyń elorda turǵyndary men qonaqtarynyń eń súıikti spektaklderi qataryna engenine tańyrqaýǵa bolmaıdy.
Jetekshi partııalardy «Astana Opera» teatrynyń jarqyraǵan jetekshi solısteriniń juldyzdy quramy usynýǵa daıyndalýda. Basty partııany Qazaqstannyń eńbek sińirgen qaıratkeri Súndet Baıǵojın oryndaıdy, Aıdar rólinde – halyqaralyq baıqaýlardyń laýreaty Meıir Báınesh, Ajar – Qazaqstannyń eńbek sińirgen ártisi, opera prımasy Maıra Muhamedqyzy, Qarlyǵash – Qazaqstannyń eńbek sińirgen qaıratkeri Dına Hamzına, Syrttan – Armenııa halyq ártisi Barseg Týmanıan.
Qoıylymdy Qazaqstan men Italııanyń kórnekti óner qaıratkerleri qoıǵan. Mýzykalyq jetekshi jáne dırıjer – Qazaqstannyń eńbek sińirgen qaıratkeri, kompozıtor A.Jubanovtyń shóberesi – Alan Bóribaev. Qoıýshy rejısser – belgili ıtalııalyq rejısser Djankarlo del Monako, keńesshi rejısser – Qazaqstannyń halyq ártisi, professor Esmuhan Obaev, bas hormeıster – Qazaqstannyń eńbek sińirgen qaıratkeri Erjan Dáýitov.
Operanyń kórkemdik bezendirilýin ataqty zamanaýı ssenograf Esıo Frıdjerıo men kostıýmder boıynsha sýretshi – «Oskar» syılyǵynyń ıegeri Franka Skýarchapıno, kostıýmder boıynsha sýretshi assıstenti Ásel Dosmuratova oryndady. Qoıýshy horeograftar – Qazaqstannyń eńbek sińirgen qaıratkerleri Tursynbek Nurqalıev jáne Ǵalııa Bóribaeva.