«Álem nazary aýatyn aýqymdy sharanyń kórkin qyzdyrýda ońtústik ónerpazdary jańasha baǵytta, eshkimdi qaıtalamaıtyn qazirgi zamanǵa laıyqty týyndylarymen erekshelenýi kerek. Is-shara jospary bekitilip, keshendi daıyndyq qajet. El abroıyn asqaqtatar tusta qaı salada bolmasyn aıanyp qalmaýǵa tıistimiz»,-dedi Janseıit Qanseıituly.
Jıyn barysynda baıandama jasaǵan oblystyq mádenıet basqarmasynyń basshysy Nurbolat Ahmetjanov shara aıasynda Ońtústik Qazaqstan oblysynan
610 adamnan quralǵan 17 shyǵarmashyl ujym qatysyp, ónerlerin kópshilikke usynatynyn jetkizdi. Onyń ishinde jergilikti 22 qolóner sheberleri de bar.
«Mádenı shara barysynda «Qazynaly Ońtústik» qolóner sheberleri men sýretshilerdiń kórmesi, konserttik baǵdarlamalar, ońtústikte túsirilgen anımasııalyq fılmder men kórkem fılmder jurt nazaryna usynylady. Sondaı-aq J.Shanın atyndaǵy oblystyq akademııalyq qazaq drama jáne orys drama, qýyrshaq, ázil-syqaq jáne satıra teatrlary men Ońtústik-Sırktiń qoıylymdary Astana jurtshylyǵy men kórme qonaqtarynyń kózqýanyshyna aınalady »,–dedi mádenıet basqarmasynyń basshysy.
Ońtústiktiń mádenı kúnderi QR Mádenıet jáne sport mınıstrligi bekitilgen kestege sáıkes ótkiziletin bolady. Merekelik konsertte Sh.Qaldaıaqov atyndaǵy oblystyq fılormonııanyń «Súgir» atyndaǵy ult aspaptar orkestri, Tumar folklorlyq ansanbli «Qazyna»,«Tumar» bı ujymdary óner kórsetedi dep kútilýde. Sonymen qatar oblystyq opera jáne balet teatrynyń sımfonııalyq orkestri, hory, jeke solısteri, balet trýppasy, «Bıg-bend» estradalyq djaz ansanblderi kópshilikke óz ónerlerin pash etpek.
Budan bólek, EKSPO qalashyǵynyń amfıteatrynda «Nuryn shashqan –Ońtústik» atty Ońtústik Qazaqstan oblysy óner sheberleriniń gala-konserti uıymdastyrylady.
Sonymen qatar, Astanadaǵy «Qazanat» ıppodromynda boı kóteretin etnoaýylda Ońtústik Qazaqstan oblysynan talapqa saı birneshe kıizúı tigiletin bolady.
Aıta keteıik, Ońtústik Qazaqstan oblysynda jyl sońyna deıin EKSPO-2017 Halyqaralyq mamandandyrylǵan kórmesine arnalyp 10185 is-shara ótkiziledi. Onyń ishinde oblystyq basqarmalar tarapynan 1361 al, aýdan- qalalardan 8800-ge jýyq merekelik shara uıymdastyrý josparda bar.