Aqtóbe oblysy Qarǵaly aýdanyndaǵy 2 myńnan asa turǵyny bar Qos-Estek aýylyna kógildir otyn tartyldy. Gazdy iske qosý sharasyna oblys ákiminiń orynbasary Beksary Jańabaı, «Qaz Trans Gaz» AQ Aqtóbe óndiristik fılıal dırektory Amanjol Tajǵalıev, aýdan ákimi Rahat Sydyqov qatysty. Oblys ákiminiń orynbasary B.Jańabaı aýyl turǵyndaryn kógildir otynnyń ıgiligin kórer sátti kúnderimen quttyqtap, oblys ákimi Berdibek Saparbaevtyń atynan 4 otbasyna, sandaı-aq aýyldaǵy «Momyn- Ata» meshitine gaz jelilerin tegin tartý úshin kómektik Sertıfıkattaryn tabystady. «Qaz Trans Gaz» basshysy Amanjol Tajǵalıev bıylǵy jyl qazaqstandyqtar úshin asa mańyzdy ekenine toqtalyp, sonyń ishinde kógildir otynmen aýyldyqtardy qamtý Elbasynyń tapsyrmasy ekenin aıtty.
Qýanyshty sátti qarsy alǵan Saǵyntaı Daýletov aýyldastaryn qýanyshtarymen quttyqtap, basshy qaýymǵa alǵysyn jetkizdi. Oblys ákiminiń orynbasary Beksary Janbaı men aýyl aqsaqaly Saǵyndyq Daýletov gaz qubyryn iske qosty.
Baqyt Imashev,
Aqtóbe oblysy.