Jańǵyryq

Semeıdegi Ertis ekologııa departamentiniń konferens-zalynda ıadrolyq synaqtarǵa qarsy «Nevada-Semeı» halyqaralyq qozǵalysynyń uıym­das­tyrýymen «El táýelsizdigi jáne Semeı ıadrolyq synaq polıgonynyń jabylǵanyna 20 jyl» degen taqyryppen dóńgelek ústel ótkizildi. Oǵan bılik ókilderi, ǵalymdar men ekologtar, polıgon mańyndaǵy aýdandardan qonaqtar, etnomádenı ortalyqtar belsendileri men jýrnalıster kóptep qatysty. Mazmundy jıyndy atalǵan qozǵalystyń vıse-prezıdenti Sul­tan Kartoev ashyp júrgizip otyr­dy. Jıynda Kýrchatov qalasyn­daǵy Ulttyq ıadrolyq ortalyq­tyń bas dırektory, akademık Qaı­rat Kád­ir­janov, zamanynda Semeı óńi­­rindegi gıdrogeo­lo­gııa­lyq barlaý ekspe­dı­sııa­syn uzaq jyldar boıy aby­roı­men basqar­ǵan ǵylym kan­dı­daty Baısultan Tilekın, res­pýb­lıka­myz­­dyń eks-halyq depý­ta­ty, ǵy­lym doktory, professor Maı­ra Jangelova já­ne basqalar sóz sóı­lep, Elba­sy­nyń atom ajda­ha­syn ja­bý­daǵy erligi men Kýrchatov qala­syn­daǵy qazirgi ońdy óz­ge­rister já­ne onyń bolashaǵy týra­ly keń­i­nen oı tol­ǵady. Jıynda, sondaı-aq elimizde atom stansasyn salý kerek pe, joq pa degen másele de qozǵaldy. Bul kúnderi Semeı óńirinde po­lıgonnyń jabylýynyń 20 jyl­­dyǵyna arnalǵan jıyndar kóp­tep ótkizilýde. Aıtalyq, beısenbi, juma kúnderi Ulttyq ıad­ro­lyq ortalyq pen Semeı memlekettik medısına ýnıversıtetinde polıgon taqyrybyn tereń­nen qozǵaǵan halyqaralyq konferensııalar bo­lyp ótti. Al po­lı­gonnyń jabyl­ǵan kúni – 29 ta­myzda Semeıde, Ertis ózeni jaǵa­synda túrli merekelik sharalar ótti. Dáýlet SEISENULY. Semeı.