Mańǵystaý oblysy boıynsha Qarjylyq monıtorıng agenttiginiń departamenti zańsyz onlaın-kazıno uıymdastyrý faktisi negizinde sotqa deıingi tergeý júrgizip jatyr. Is boıynsha Rantık Bahtııar Ogly kúdikke ilingen, dep habarlaıdy Egemen.kz.
Vedomstvo málimetinshe, oıyn platformasynyń jumysy úshin «bingo37 pro» servısi paıdalanylǵan. Bul servıs myńnan astam qumar oıyn túrine qoljetimdilik bergen. Olardyń qatarynda «Crazy Monkey», «Keno», «Euro Game» jáne ózge de tanymal oıyndar bar.
Zańsyz kazıno uıymdastyrýshylardan 420 mln teńgeniń múlki tárkilendi
Tergeý derekterine sáıkes, klıentter Telegram jáne WhatsApp messendjerleri arqyly tartylǵan. Onda jarnamalyq habarlamalar, foto jáne beınematerıaldar, sondaı-aq aksııalar men bonýstyq usynystar taratylyp, ońaı ári tez utysqa kenelý múmkindigi týraly túsinik qalyptastyrylǵan. Qarajat aýdarǵannan keıin oıynshylarǵa platformaǵa kirýge arnalǵan logın men qupııasóz berilgen.
AFM málimetinshe, aqsha qabyldaý jáne qarjy aǵyndaryn jasyrý maqsatynda Grýzııa men Tájikstan azamattary «dropper» retinde tartylǵan. Olar Qazaqstan aýmaǵyna arnaıy kelip, bank shottary men abonenttik nómirlerdi tirkegen. Keıin bul shottar men nómirlerdi uıymdastyrýshyǵa berip, ózderi is júzinde basqarmaǵan.
Tirkelgen shottar arqyly 3,1 mlrd teńgeden astam qarajat ótken.
Qazirgi ýaqytta tergeý amaldary jalǵasyp jatyr. О́zge aqparat tergeý múddesine baılanysty jarııa etilmeıdi.
Elimizde tek sheteldikter kire alatyn kazınolar salynady