Qyrǵyz Prezıdenti Almazbek Atambaev 2017 jyldy adamgershilik, tárbıe men mádenıet jyly dep jarııalamaq, dep habarlaıdy 24.kz.
Memleket basshysynyń pikirinshe, qoǵamda izgilik qasıetter azaıyp barady. Osy tusta halyqtyń oıy ekige jaryldy. Biri mádenıetten buryn quldyraǵan ekonomıkany kóterý kerek dese, ózgeleri tyń bastamany qoldap otyr. Tárbıeli, mádenıetti bol jáne adamı qundylyqtaryńdy joǵaltpa. Qarapaıym qyrǵyz azamatynyń beınesi osyndaı bolýy kerek. О́kinishke oraı, eldiń barlyq turǵyny mundaı qadir-qasıetke ıe dep aıtý qıyn. Sondyqtan bolar, Qyrǵyz Prezıdenti otandastaryna keler jyldy adamgershilik, rýhanı damý jyly dep ataýdy usyndy.
"Kóktemde stýdent «Týkýrbıo» kompanııasyn ashty. Bul adamdarǵa áser etti. Al áleýmettik jelide jastar qoǵamdyq orynda shekildeýik shaqpaý týraly bastama kóterdi. Nátıjesin berdi. Qazir belsendi jastar qatary artty. Olar memlekettiń damýyna áser ete alady", - deıdi qyrǵyz prezıdenti.
Prezıdent bastamasy qoǵamdy ekige bóldi. Onyń pikirin qoldaǵandar men qatar qarsylyq bildirgender de tabyldy. Aıyr qalpaqty aǵaıyn adamı qundylyqtardy joǵaltpaı, nasıhattaýdy qoldaıdy. Biraq elde budan ózge sheshimin tappaǵan máseleler jetedi. Sondyqtan bılik basyndaǵy sheneýnikter mańyzdy máselelermen aınalysý qajettigin aıtady.