Almaty oblysynyń polıseıleri balalarǵa tosyn syı jasady. Olar Taldyqorǵan qalasyndaǵy oblystyq mamandandyrylǵan balalar úıiniń tárbıelenýshilerine túrli syılyqtar tartý etip, shat-shadyman kóńilge bóledi, – dep habarlaıdy QazAqparat.
Atalǵan mekemede jańa týǵan jáne 4 jas aralyǵyndaǵy balalar tárbıelenedi. Barlyǵy ata-ana qaraýynsyz qalǵandar. Búgin osy sábıler úshin erekshe kún boldy. Ishki ister salasynyń qyzmetkerleri jáýdir kózderdiń kóńilin kóterý maqsatynda saıyqmazaqtardy shaqyryp, túrli qoıylym men oıyndar uıymdastyrdy. О́z kezeginde balalar úıiniń tárbıelenýshileri qonaqtarǵa ónerlerin kórsetti. Balalar úıiniń bas ádiskeri Súleımenova Gúljan Seıitqyzy uıymdastyrýshylarǵa sheksiz alǵysyn bildirip, jumystaryna sáttilik tilep, El Táýelsizdiginiń 25 jyldyq merekesimen quttyqtady. Atalǵan shara Táýelsizdiktiń 25 jyldyǵyna oraı «25 qaıyrymdy is» aksııasy aıasynda uıymdastyryldy. IID-niń qyzmetkerleri uıymdastyrǵan aksııa oblystyń barlyq eldi mekeninde ótti. Aıasynda ata-ana qamqorlyǵynsyz qalǵan balalarǵa jáne múgedek jandarǵa, ardagerler men qarttarǵa, áleýmettik jaǵdaıy tómen otbasylarǵa kómek kórsetilip, qýanyshqa bólendi. Oblystyń polıseıleri osynaý ıgi sharany dástúrge aınaldyrmaq nıette