Burnaǵy kúni Lıvııanyń qýǵyndaǵy prezıdenti Mýammar Kaddafıdiń zaıyby Sofııa, qyzy Aısha men uldary Mohammed pen Gannıbal kórshiles Aljırge qashyp kelgen bolatyn. Kóterilisshiler Aljır ókimetinen Kaddafıdiń otbasyn qaıtarýdy talap etip otyr.
Aljır óz kezeginde polkovnık otbasynyń kez kelgen úshinshi elge ótýine múmkindik jasamaq jáne kómek qolyn qaıyrymdylyq pıǵyldan tanytqanyn málimdeýde. Al Kaddafıdiń ózi qaı jerde jasyrynyp júrgeni belgisiz. Aljırdiń polkovnıktiń otbasyn qaıtarmaý sebebi, ol Lıvııanyń ulttyq ótpeli keńesi (LUО́K) degen qazirgi bıligin zańdy bılik dep kúni búginge deıin tanyǵan joq.
IEMENDE PREZIDENTTIK SAILAÝ О́TPEK
Iemende 29 tamyzda úsh aıdan keshiktirilmeı prezıdent saılaýy ótkiziletin bolady degen aqparat tarady. Mundaı bastamany el prezıdenti Alı Abdýlla Saleh kóterse kerek. Búginde prezıdenttiń mindetin memleket basshysynyń orynbasary Abdýraba Mansur Hadı atqaryp júr.
Jaman úlgi juqpaly degendeı, Iemende de jyl basynan beri ókimetke qarsy jappaı narazylyq aksııalary júrip jatqany belgili. Rezıdensııasynda jarylǵan snarıadtan osydan biraz ýaqyt buryn Saleh jaralanyp, Saýd Arabııasyna emdelýge ketken bolatyn. Sodan áli oralǵan joq. Oppozısııa bolsa, ony elge kirgizbeımiz dep otyr. Afrıkadaǵy áriptesteriniń jolyn qushpas úshin de Saleh kompromıske baratyn syńaıly.
MAILY JILIK BASYNAN AIRYLYP QALDY
Iran Reseıdiń «Gazprom neft» munaı kompanııasyn «Azar» ken ornyndaǵy munaıdy óndirý quqynan aıyrdy. Buǵan reseılik kompanııanyń AQSh-tyń sanksııa engizýinen qorqyp, jobany júzege asyrýdy eki jylǵa jýyq ýaqytqa sozyp jiberýi sebep bolyp otyrǵan sekildi.
AQSh 1996 jyly el úkimetine Irannyń energetıka sektoryna 20 mıllıon dollardan astam ınvestısııa salatyn sheteldik kompanııalarǵa qarsy shara qoldanýǵa quqyq beretin zań qabyldaǵan bolatyn. Osylaısha ámiri kúshtiniń álegi de kúshti degenniń keri kelip otyr. Jalpysynda, Iran kólemi jóninen munaıdyń OPEK-tegi ekinshi eksporter bolyp tabylady.
ESTONIIа PREZIDENTI QAITA SAILANDY
Burnaǵy kúni Estonııa parlamenti el prezıdentin saılady. Qazirgi memleket basshysy Toomas Hendrık Ilves jeńiske jetti. Oǵan 73 depýtat ózderiniń daýysyn bergen. Ilveske jeńiske jetý úshin 101 depýtattyń 68-i óz daýystaryn berse, jetkilikti edi.
Is basyndaǵy prezıdenttiń qarsylasy Indrek Tarand depýtattardyń 25 daýysyna ıe bolǵan. Úsh bıýlleten jaramsyz dep tabylǵan. Estonııa parlamenttik respýblıka bolǵandyqtan, prezıdent negizinen ókilettilik qyzmetin ǵana atqarady. Ony parlament depýtattary 5 jyldyq merzimge saılaıdy.
JAQSYLYQ OILASAŃ DA JAMANSYŃ BA?
О́zbekstanda osydan eki jyl buryn VICh/SPID profılaktıkasy týraly broshıýralar basyp shyǵarǵany úshin 7 jylǵa sottalǵan psıholog, «Izıs» úkimettik emes uıymynyń jetekshisi Maksım Popov bostandyqqa shyǵaryldy. Onyń túrme merzimi túzeý jumystarymen almastyryldy.
Endi M.Popov Tashkentte túrli qara jumystar istemek jáne eńbekaqysy memleket esebine aýdarylatyn bolady. Onyń atalǵan uıymy 2003 jyly qurylsa, qyzmeti BUU DB jáne IýNISEF tarapynan qoldaý taýyp kelgen. «Izıs» jastarǵa qaıtse SPID aýrýyn juqtyrýdyń aldyn alýǵa bolatynyn, esirtkige táýeldilikten qalaı shyǵý kerektigin túsindirip kelipti. Al mundaı izgi nıet ózbek basshylyǵyna unamasa kerek.
PROKÝRATÝRA QYZMETKERINE JAZA JEŃIL
Reseıdiń Volgograd qalasynyń aýdandyq soty 7 jasar balany Opel Corsa jeńil kóligimen basyp óltirgen Volgograd oblystyq prokýratýrasynyń qyzmetkeri Elena Ivanovany 2,5 jylǵa ǵana bas bostandyǵynan aıyrdy jáne bul úkim 5 jylǵa keıin shegerilip oryndalatyn boldy.
Ivanovaǵa mundaı jeńildik 9 jasar balany bir ózi asyrap otyrǵanyna baılanysty berilgen. Qaza tapqan balanyń anasy Tatıana Kolokolseva sot úkimimen kelispeıtinin bildirgen. Ananyń aıtýynsha, ol balasyn 7 jyl baǵyp-qaǵyp ósirgen, 9 aı ishinde kótergen, al 2,5 jyl jaza óte-móte az jáne 5 jylǵa deıin kóp nárse ózgerip ketýi múmkin.
QYSQA QAIYRYP AITQANDA:
AQSh-ta «Aırın» daýylynan qurban bolǵandar sany bir kúnde eki esege ósip, 40 adamǵa jetti. Máshınesin sý tasqyny aǵyzyp áketken taǵy bir amerıkalyq iz-túzsiz joǵalyp ketkender qatarynda. Daýyldan kelgen ekonomıkalyq shyǵyn da aıtarlyqtaı.
Belorýssııada sońǵy bir aıda shoshqa men sıyr etiniń baǵasy úsh márte ósti. Eldiń ekonomıka mınıstrligi munyń sebebin ishtegi baǵanyń asa arzandyǵymen túsindirip otyr. Syrttaǵy saýdagerler atalǵan et túrlerin joǵary baǵaǵa kóptep satyp alatyndyqtan, el ishinde et tapshylyǵy sezile bastapty. Sońǵy qymbattaǵandy qosa alǵanda, búginde Belorýssııadaǵy shoshqa men sıyr etiniń baǵasy teńgege shaqqanda tıisinshe 425 jáne 415 teńge shamasynda.
Lıtvada eldegi «Albatros» dep atalatyn eki L-39 oqý-áskerı ushaǵynyń biri Baltyq jaǵalaýyndaǵy NATO mıssııasynyń quramyna kiretin fransýzdyń joıǵysh ushaǵymen soqtyǵysyp qaldy. Fransýz ushqyshtary zaqymdanǵan ushaqty qondyryp úlgerse, «Albatros» jerge qulaǵan. Ushqyshtary aman.
Aýǵanstan taýlarynyń bıik shyńdarynyń birin baǵyndyrmaq bolǵan eki nemis týrısiniń joǵalyp ketkenin buǵan deıin habarlaǵan bolatynbyz. Endi olardyń urlap áketilgeni anyqtalyp otyr. Biraq oǵan «Talıbannyń» qatysy joq kórinedi.
Internet materıaldary negizinde ázirlendi.