QR Ulttyq bank tóraǵasy Danııar Aqyshev Úkimet otyrysynda 2016 jyly teńge depozıtteri úlesiniń ulǵaıýy jáne sheteldik valıýta depozıtteriniń tómendeýi týraly habarlady.
«2016 jyly depozıtter qurylymynyń ózgerýi oryn aldy. 11 aı ishinde teńge depozıtteri, bul aldyn ala derekter, 53,2%-ǵa ósti, sheteldik valıýta depozıtteri 10%-ǵa tómendedi. Nátıjesinde depozıtterdiń dollarlaný deńgeıi 2016 jylǵy qańtarda bolǵan 70% mólsherindegi eń joǵary deńgeıden 2016 jylǵy qarashadaǵy 56,7%-ǵa deıin tómendedi», - dep habarlady Ulttyq bank basshysy.
D. Aqyshev atap ótkendeı, zańdy tulǵalardyń teńge jáne sheteldik valıýta depozıtteri teńesken.
«Jeke tulǵalardyń salymdary qurylymynda sheteldik valıýta depozıtteriniń úlesi 2016 jylǵy qańtardaǵy eń joǵarǵy 80% quraıtyn máninen 2016 jylǵy qarashadaǵy 64,4%-ǵa deıin tómendedi», - dedi D. Aqyshev.
Sondaı-aq, ol Ulttyq bank syrtqy jáne ishki faktorlardyń áserinen qalyptasatyn irgeli trendterge kedergi keltirmeıtinin qosty.
«2016 jylǵy qyrkúıekten bastap úsh aı ishinde Ulttyq bank valıýtalyq naryqta basqynshylyqtar júrgizbeıdi, sáıkesinshe, bizdiń qatysý úlesimiz 0% quraıdy», - dedi D. Aqyshev.
Onyń aıtýy boıynsha, bıylǵy jyldyń jeltoqsanynda teńgeniń nyǵaıýy baıqalady. Osylaısha, teńge baǵamy qazirgi ýaqytta oń dınamıkaǵa ıe irgeli faktorlardyń áserinen ǵana qalyptasady.