Senat otyrysynyń kún tártibi kelisildi

Parlament Senatynyń bıýrosynda 2016 jylǵy 22 jeltoqsanda bolatyn palata otyrysynyń kún tártibi kelisildi, dep habarlady Senattyń baspasóz qyzmeti. Senatorlar «Probasııa týraly», «Daktıloskopııalyq jáne genomdyq tirkeý týraly», «Qar­sy barlaý qyzmeti týraly» zań jo­balary men birqatar ózge zań­dar­ǵa túzetýler engizýdi kózdeı­tin ilespe zań jobalaryn qaraıdy. Kún tártibinde «Volonterlik qyzmet týraly» zań jobasy men zańnamaǵa básekelestik jáne turǵyn úı qurylysyn memlekettik qoldaý máseleleri boıynsha túzetý­ler de bar. Bıýroda Májilisten túsken zań jobalary salalyq komıtetterge bólinip berildi. Qazaqstan men Iran arasyndaǵy sottalǵan adamdardy berý týraly kelisimdi ratıfıkasııalaý týraly zań jobasy boıynsha bas komıtet bolyp Konstıtýsııalyq zańnama, sot júıesi jáne quqyq qorǵaý organdary komıteti belgilendi. Ekonomıkalyq saıasat, ınnova­sııalyq damý jáne kásip­kerlik komıteti «Qazaqstan Respýb­lıkasy­nyń keıbir zańnamalyq aktilerine básekelestik jáne turǵyn úı qurylysyn memlekettik qoldaý máseleleri boıynsha ózgerister men tolyqtyrýlar engizý týraly» zań jobasyn odan ári pysyqtaýmen aınalysatyn boldy.