Túrkimenstan shekarada qaýipsizdik sharalaryn kúsheıtti. Kórshi el bıligi sheteldik azamattar úshin elge kelýdiń jeńildetilgen erejesin ýaqytsha toqtatty, dep habarlaıdy Tumba.kz.
«Mańǵystaý oblysynda turaqty mekendeıtin bizdiń eldiń azamattary Túrkimenstan aýmaǵyna bes táýlikke deıin vızasyz kirip-shyǵa alady. Qazaqstan azamattarynyń turǵylyqty orny jeke kýáliginde kórsetilgen derek negizinde belgilenedi. Qazaqstanmen vızasyz rejımniń qansha ýaqytqa toqtatylǵany ázirshe belgisiz. Qazirgi tańda Túrkimenstan tarapynan resmı málimdeme jasalǵan joq», – dep málim etti Mańǵystaý oblystyq memlekettik kiris departamentiniń bas mamany Maqsat Aqmuratov.
Túrkimenstan zańy boıynsha, qazaqstandyqtar osy el aýmaǵynda 5 kúnnen artyq aıaldaýdy qalaıtyn bolsa onda vıza alýǵa tıis. Jeńildetilgen erejeni paıdalanatyn QR azamattary Túrkimenstan aýmaǵyna ótkizý pýnkteri arqyly kirip-shyǵa alady. Qazirgi tańda Qazaqstan-Túrkimenstan shekarasynda «Temir bara» avtomobılderdi ótkizý pýnkti bar. Onda keden beketi, sondaı-aq temir jol beketi ornalasqan.