QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń tóraǵasy Serik Jumanǵarın «Eır Astana» áýe kompanııasyna qatysty sheshimge túsinikteme berdi, dep habarlaıdy QazAqparat.
«О́zderińiz de biletindeı, taıaýda «Eır Astanaǵa» qatysty sáıkesinshe tergeý boldy. Nátıjesinde, áýe kompanııasy naqty bir kúni suranysqa baılanysty óte tómen jáne óte joǵary baǵa qoldanatyndyǵy anyqtaldy. Qazir áýe kompanııasy ushý kúninde birshama jeńildikter jarııalap, «Erkindik» tarıfin jasady. Áýe kompanııasynyń aýyzsha sendirýinshe, kelesi jyly eń qymbat bıletter 10 paıyzǵa arzandaıtyn bolady. О́ıtkeni, naryqty únemi jabyq ustap turýǵa bolmaıdy. Sóz ashyq áýe jaıynda bolyp otyr», – dedi ol.
Jumanǵarınniń atap ótýinshe, Qazaqstan «EKSPO-2017» kórmesin ótkizý kezeńinde «ashyq áýe» ustanymyn qoldanatyn bolady. Bul ózge elderdiń áýe kompanııalaryna Astanaǵa ushyp kelýge múmkindik beredi.
«Loýkesterler paıda boldy, naryqqa «Pobeda» kirdi. Loýkosterler segmentine «Bek Eır» kiredi. Jaǵdaı barynsha pozıtıvti. Biz bul segmenttiń damýyna optımıstik turǵyda qarap otyrmyz», – dedi ol.